Ол курдук эстафетаҕа, суол быраабылаларын билиигэ, көрдөөх миниатюраҕа, канат тардыһыытыгар күрэхтэстилэр.
Дьүүллүүр сүбэ бэрэссэдээтэлэ – 1976 сылтан АВС категориялаах суоппар Зинаида Алексеевна Пудова (ортоку), чилиэннэр – II Малдьаҕар орто оскуолатын физкультураҕа учуутала, уопуттаах суоппар Розалия Федоровна Старостина, олохтоох дьаһалта суоппара Дмитрий Валерьевич Никифоров.
Эстафетаҕа холбоһук Саһарҕа-Көмүөл хамаандата кыайыыны ситистэ. Суол быраабылатын Чолбон түөлбэ ордук билэр эбит. Миниатюраҕа "Айан суола" ырыаннан Никифор Никифорович Яковлев, Тускул хамаандата, кыайда. Канат тардыһыытыгар эргиир (круговой) систиэмэннэн кииристилэр.
Тыҥааһыннаах киирсиигэ Саһарҕа-Көмүөл холбоһук хамаандата кыайда – Валерий Христофоров, Семен Федоров, Валерий Стручков, Афанасий Никандров, Анна Семенова, Надежда Федорова. Иккис бириистээх миэстэни ыллылар Тускул түөлбэ суоппардара – Никифор Яковлев, Андрей Тимофеев, Василий Иванов, Павел Иванов, Наталья Гурьева, Алла Матвеева. Уонна үһүс миэстэни Чолбон хамаанда суоппардара – Эдуард Николаев, Вячеслав Яковлев, Афанасий Никандров, Ньургун Решетников, Александра Васильева, Ирина Кириллина.
“Аан-Аартык” культура киинэ суоппар күнүнэн кыайыылаах хамаандаҕа кубогы уонна хамаандаларга минньигэс торт бириис биэрдэ. Кыттыбыт түөлбэ суоппардарыгар күөх уоту, көнө суолу баҕарабыт.
БУЛГУННЬАХТААХХА ВОЛЕЙБОЛ КҮРЭҔЭ
Алтынньы 27-тэ спорду сэҥээрээччилэргэ бэрт сэргэх күн буолла. Булгунньахтаах ДЮСШ сэбиэдиссэйэ Екатерина Егоровна Егорова юбилейдаах волейболун күрэхтэһиитэ бэтэрээн дьахталлар ортолоругар көхтөөхтүк ааста.
Бэрт эрийсиилээх, хатыһыылах оонньууларга кыайыылааҕынан олохтоох Булгунньахтаах хамаандата таҕыста, иккис миэстэ – Покровскай куорат, үһүс миэстэҕэ олус көхтөөх Улахан Аан хамаандата таҕыста.
Күрэх түмүгүнэн анал ааттары ыллылар: “Бастыҥ нападающай” – Екатерина Тимофеева (Булгунньахтаах), “Бастыҥ оонньооччу” – Анисья Макарова (Булгунньахтаах), “Бастыҥ разыгрывающай – Александра Васильева (Покровскай), “Бастыҥ көмүскээччи” – Оксана Апросимова (Улахан Аан).
Марина СОЛОМОНОВА, "Аан-Аартык" культура киинин уус-уран салайааччыта, Улахан Аан, Хаҥалас улууһа