75 сааһын туолаары сылдьар спорт бэтэрээнэ, СӨ физическэй култууратын үтүөлээх үлэһитэ Михаил Алексеев хайыһарынан олунньу, кулун тутар уонна муус устар ыйдарга уопсайа 250 килэмиэтири сүүрдэ. Мээндигиттэн өрөспүүбүлүкэбит киинигэр Дьокуускайга тиэрдэр уһуннаах сир саҕаны хайыһарынан айаннаата уонна быйылгы сезонун онон түмүктээтэ. Михаил Васильевич күһүн 75-тэн үөһэ саастаахтар күрэхтэһиилэригэр кыттар баҕалаах. Кини “Трудовые резервы” спортобщество 1974 с. ыыппыт өрөспүүбүлүкэ күрэхтэһиитигэр 10 км дистанцияҕа чемпион үрдүк аатын ылан турардаах. Маны сэргэ ГТО комплексын кыһыҥҥы многоборьетыгар ССРС спордун маастарын нуорматын хаста да толорбута. Онно киирэллэр этэ xайыһарынан 10 км дистанцияҕа сүүрүү, сыал ытыыта, перекладинаҕа тардыныы.
Ити курдук спорду көҕүлээччи, чөл олоҕу сэҥээрээччи, кыраайы үөрэтээччи, уопсастабынньык Михаил Алексеев Өрөспүүбүлүкэ күнүн тус былаанын толорон көрүстэ.
