Нам улууһун физическэй культураҕа уонна спорка управлениета (начаалынньык П.Г. Иванов) бу бэлиэ күҥҥэ анаан араас тэрээһиннэри ыытта.
Ол курдук, Нам улууһун гиирэ спордун федерациятын бирииһигэр саҥа саҕалааччыларга гиирэни көтөҕүүгэ онлайн-турнир, оҕунан ытыы федерациятын бирииһигэр төрүт оҕунан ытыыга, хабылыкка, хаамыскаҕа күрэхтэһиилэр ыытылыннылар.
Маны сэргэ хапсаҕайга маастар-кылаас, аҕам саастаахтарга зарядка буолла. Нэдиэлэ устата спорт ветераннарын, физкультура учууталларын кытта көрсүһүүлэр тэрилиннилэр.
Саҥа үүнэр нэдиэлэҕэ “Детский спорт – наше будущее” диэн темаҕа кэтэхтэн ситим нөҥүө төгүрүк остуол буолара былааннанар. Манна П.Юмшанов аатынан Намнааҕы спортивнай оскуола, “Олимпик” спортивнай оскуола, республикатааҕы Олимпийскай резербэ Нам улууһугар оскуолата, И.Е.Винокуров аатынан Намнааҕы педагогическэй колледж, Е.М.Шапошников аатынан Хамаҕатта спортивнай хайысхалаах оскуолата, З.П.Саввин аатынан Үөдэй орто оскуолата кыттыыны ылыахтара. Итиэннэ Физкультурник күнүн чэрчитинэн Улуу Кыайыы 75 сылыгар анаммыт “Высота Победы” диэн мырааҥҥа маассабай ыттыы тэриллиэҕэ.
Лена Ноговицына, «Газета "Эҥсиэли"»
