Үөһээ Бүлүүгэ Бычырдаан аатынан аһаҕас турнир кыайыылаахтара билиннилэр. Бастаан ыйааһыннарга бастаабыттары наҕараадалааһын кэнниттэн супер бирииһи ким ыларын быһаарыы саҕаланна.
Онно эр дьоҥҥо бастаабыт дьон биир-биир жеребьевканы ыллылар. Онно аар саарга аатырбыт Увар Тимофеевка түбэһэн, Үөһээ Бүлүү сэлиэнньэтин баһылыга Максим Силигиянов туруорбут биэстэ эстэр сааны ылла. Бэтэрээннэргэ бастаабыттар эмиэ жеребьевка тардыбыттарын түмүгэр Чурапчыттан кэлэ сылдьар Айаал Павловка түөрэх түһэн, Мэйик баһылыга Михал Хаччагаев туруорбут саатын ылан үөрдэ-көттө.
Дьэ онтон 70 киилэҕэ диэри уонна 70-тан үөһэ ыйааһыннаахтарга муҥутуур кыайыылаахтары быһаарыы саҕаланна. Бэрт эрийсиилээх, тутуһуулаах киирсии кэнниттэн 70 киилэҕэ диэри ыйааһыҥҥа муҥутуур кыайыылааҕынан Бүлүү бөҕөһө Дмитрий Ущницкай буолла уонна биэстэ эстэр саанан наҕараадаланна. Онтон эр дьоҥҥо 70-тан тахса ыйааһыҥҥа Увар Тимофеев кыайан муҥутуур ааты ылан, убаһанан наҕараадаланна.
Ыйааһыннарга кыайыылаахтар
Эр дьоҥҥо
55 кг (19 кыттааччы)
I Эдгар Кулачиков (Хаҥалас)
II Ростислав Степанов (Дьааҥы)
II Прокопий Григорьев (Кэбээйи)62 кг (21 кыттааччы)
I Олег Федотов (Үөһээ Бүлүү)
II Егор Иванов (Үөһээ Бүлүү)
II Сахамин Степанов (Үөһээ Бүлүү)70 кг (29 кыттааччы)
I Рустам Прокопьев (Үөһээ Бүлүү)
ll Айсен Егоров (Үөһээ Бүлүү)
II Семен Тимофеев (Үөһээ Бүлүү)80 кг (23 кыттааччы)
I Ларион Андреев (Мииринэй)
ll Егор Попов (Хаҥалас)
II Дмитрий Донской (Үөһээ Бүлүү )90 кг (12 кыттааччы )
I Стас Степанов (Үөһээ Бүлүү)
ll Платон Саввинов (Үөһээ Бүлүү)
II Семен Федоров (Үөһээ Бүлүү)90 кг үөһэ (12 кыттааччы)
I Увар Тимофеев (Үөһээ Бүлүү)
II Афанасий Николаев (Сунтаар)
III Дмитрий Нехоруков (Ньурба)Бэтэрээннэргэ
60 кг (6 кыттааччы)
I Степан Родионов (Үөһээ Бүлүү)
II Петр Соломонов (Хаҥалас)
III Александр Поскачин (Дьокуускай)70 кг (6 кыттааччы)
I Айаал Павлов (Чурапчы )
II Сергей Сергеев (Үөһээ Бүлүү)
III Сергей Игнатьев (Үөһээ Бүлүү)80 кг (5)
I Владимир Литвинов (Үөһээ Бүлүү)
II Ньургун Уваров (Хаҥалас)
III Илья Мордовской (Үөһээ Бүлүү)90 кг (3 кыттааччы)
I Алексей Соловьев (Дьокуускай)
II Дьулустаан Иванов (Үөһээ Бүлүү)
III Спартак Кардашевскай (Үөһээ Бүлүү)90 кг үөһэ (3 кыттааччы)
I Валерий Иванов (Үөһээ Бүлүү)
II Вячеслав Константинов (Хаҥалас)
III Егор Терентьев (Үөһээ Бүлүү)Кылгас ыспыраапка
Күрэхтэһиигэ Аллайыахаттан, Амматтан, Үөһээ Бүлүүттэн, Дьааҥыттан, Бүлүүттэн, Горнайтан, Кэбээйиттэн, Мэҥэ Хаҥаластан, Мииринэйтэн, Ньурбаттан, Өймөкөөнтөн, Сунтаартан, Хаҥаластан, Чурапчыттан, Дьокуускайтан уонна Чурапчытааҕы физическэй култуура уонна спорт институтуттан барыта 137 бөҕөс кытынна. Мантан 36-та спорт маастара.
Күрэхтэһии туһунан сиһилии «Үөһээ Бүлүү» хаһыат кэлэр нүөмэригэр билсиэххит.
Ааптар: «Үөһээ Бүлүү» хаһыат
