Бу ааспыт өрөбүллэргэ Саха сирин аатырдыбыт Чакыр нэһилиэгин успуордун маастардарын бириистэригэр өрөспүүбүлүкэ таһымнаах аһаҕас турнир буолла

Хапсаҕай түһүлгэтигэр Амма, Бүлүү, Горнай, Кэбээйи, Мэҥэ Хаҥалас, Нам, Ньурба, Өлөөн, Сунтаар, Таатта, Уус Алдан, Үөһээ Бүлүү, Үөһээ Дьааҥы, Үөһээ Халыма, Усуйаана, Чурапчы улуустарыттан бөҕөстөр кэлэн күөн көрүстүлэр.

Чурапчыга буолбут хапсаҕай түһүлгэтигэр ыраахтан-чугастан сүүстэн тахса бөҕөс кэллэ. Чурапчыттан Одьулуун, Сылаҥ, Чурапчы, Хадаар, Хайахсыт, Чакыр нэһилиэктэрэ, итиэннэ Чурапчытааҕы физкултуура уонна успуорт судаарыстыбаннай институтун, Одьулууннааҕы аграрнай техникум устудьуоннара ордук көхтөөхтүк кытыннылар. Уопсай түмүккэ 55 киилэҕэ 1 миэстэ Петр Жегусов (Чурапчы-Хадаар), бу ыйааһыҥҥа 3 миэстэ Василий Дьячковскай (Чурапчы-Сылаҥ), 62 киилэҕэ 2 миэстэ Дьулус Неустроев (Чурапчы), 70 киилэҕэ 1 миэстэ Александр Неустроев (Чурапчы-Чакыр), 80 киилэҕэ 1 миэстэ Александр Андреев (Чурапчы), 2 миэстэ Григорий Барашков (Чурапчы), 3 миэстэ Пантелеймон Борисов (Чурапчы-Арыылаах). Бэтэрээннэргэ 60 киилэҕэ 3 миэстэ Дмитрий Монастырев (Чурапчы-Сылаҥ), 80 киилэҕэ Александр Андреев (Чурапчы) кыайдылар.

2ebc09c4 c6be 4e6b a64a 51bd3c0ed650

Турнир таһаарыылаахтык ыытыллыбытыгар Чакыр нэһилиэгин дьаһалтата, дьоно-сэргэтэ бириистэри туруорбут успуонсардарга дириҥ махталларын тиэрдэллэр. Ол курдук, бириистэри туруордулар: Чакыр нэһилиэгин олохтоохторо (30 тыһ.солк.), нэһилиэк бааһынай хаһаайыстыбатын түмсүүтэ (30 тыһ. солк.), Чакыр нэһилиэгин дьаһалтата, хапсаҕай федерациятын бэрэссэдээтэлэ, Дириҥ нэһилиэгин баһылыга Борис Архипов, Хадаар нэһилиэгин баһылыга Иван Васильев, Хайахсыт нэһилиэгин баһылыгын эбээһинэһин толорооччу Герман Егоров, “Анаабыр алмаастара” тэрилтэҕэ Чакыртан үлэлиир Эдуард Кириллин салайааччылаах 17 эр дьон, улуус дьаһалтатын успуорка салаатын начаалынньыга Иван Оконешников, Михаил Кириллин, “Хатан” ХЭТ генеральнай дириэктэрэ Владимир Сивцев, “Сахастрой 14” ХЭТ дириэктэрэ Альберт Кардашевскай, “Сахастройзаказ” ХЭТ салайааччыта Петр Алексеев, ССРС уонна СӨ успуордун маастардара, ини-бии Прокопий, Николай Сивцевтэр, Чакыр нэһилиэгин успуордун маастардара олохтообут бириистэрэ. Ону таһынан туспа махтал тыллары тиэрдэллэр: дьону хоннорбут ыалларга, оскуола кэлэктиибигэр, фольклор дьиэтин үлэһиттэригэр, нэһилиэк актыыбыгар, “Мичийээнэ” үҥкүү ансаамбылыгар (салайааччы Лидия Миронова), оскуола үөрэнээччилэригэр, минньигэс чэйдээх “Талба”, “Харыстаана” түмсүүлэргэ.

Семен Жендринскэй, «Саҥа олох»

Поделиться:

Комментарии

Защитный код Обновить

#Новости