Тохсунньу 6 күнүгэр Дьокуускайга өрөспүүбүлүкэ бэтэрээннэрин ортолоругар “Урожай” ВК бирииһигэр сахаваболга күрэхтэһии буолан ааста.

Бүлүү, Горнай, Мэҥэ Хаҥалас, куораттан “Аргыс”, “Виктория”, “Туймаада”, “Урожай” волейбол кулууптарын спортсменнара күөн көрүстүлэр. Бастакы миэстэҕэ “Урожай” хамаандата таҕыста. “Аргыс” – иккис миэстэ. Биһиги, “Оленск” хамаанда, үһүс миэстэҕэ тигистибит.

649c5b9e be8a 40da bb92 638a6e2ab9d6

Хамаандабыт састаабыгар Бүлүү куоратын чиэһин көмүскээтилэр Валентина Львова, Розалия Нюрбинцева, Августина Павлова, Наталья Доранова, Татьяна Протопопова, Николай Гоголев, Константин Прокопьев, Вячеслав Прокопьев, Александр Корякин, Николай Саввинов.

55c8526d dbb3 4a5d 9370 070ca6e24745

Валентина Львова уонна Константин Прокопьев “Бастыҥ көмүскээччи” аатын ылбыттарынан итии-истиҥ эҕэрдэбитин тиэрдэбит.

58170b7a 61f8 4c88 8349 3cba7a97eb2a

Августина Павлова сүрүн бириис хаһаайката буолбутунан эмиэ эҕэрдэлиибит.

d5042650 9183 4e1b bf28 7b1f6076c571

Күрэхтэһии сүрүн судьуйата – Василий Эверстов, тэрийээччи – “Урожай" ВК бэрэссэдээтэлэ Виталий Никитин. Кыайыылаахтарга кубоктар, мэтээллэр уонна анал бириистэр – тыа хаһаайыстыбатын ас-үөл бородууксуйата туттарылынна.

3abfd52f b76d 43b1 8698 a787c299be86

Күрэхтэһиигэ кэлэрбитигэр тэҥҥэ эрчиллэр биир дойдулаахпыт Николай Осипов хомоҕой тылынан хоһоон хоһуйан, ис иэйиитин бу курдук эппитэ.

Хотууттан хотууга дьулуһар

Эрдьигэн эр бэрдэ уолаттар,                     

Кыайыыттан кыайыыга дабайар

Эрчимнээх нарын куо далбардар!

Хотойдуу хотоойу санаанан,

Хоодуоттук-хорсуннук турунуҥ!

Хайаан да ситиһии туһа диэн,

Хатыһыҥ! Дьулуһуҥ! Тулуһуҥ!

 

Розалия НЮРБИНЦЕВА,

Бүлүү куората

e527b67c 6bbb 4163 914c 90c3fb31d81d

ace1afb8 e6b1 4510 a3a0 9e38421b7b1c 1

c7a5acfc e2cb 4fef 8289 27ac8f9d5098

Поделиться:

Добавить комментарий

uluu2

#Новости