Войти Регистрация

Войти

Авторизуйтесь через социальные сети

   

Бүлүү улууһун Чинэкэтигэр аһаҕас халлаан анныгар Бүлүү бөлөх улуустар волейболга бастакы зональнай күрэхтэһиилэрин фестивала ыытылынна

Бүлүү куоратыттан, Тыымпыттан, Чинэкэттэн барыта 18 хамаанда үс сүрүн бөлөххө саастарынан арахсан, биэстии партияны үс волейбол былаһааккатынан икки күн устата тура тэбинэн оонньоотулар.

Волейбол зонатааҕы бастакы фестивалын Бүлүү улууһун дьаһалтата, спорткомитет, улуустааҕы волейбол федерацията көҕүлээн, тэрийэн ыыттылар. Чернышевскай нэһилиэгин дьаһалтата, дьоно-сэргэтэ  тэрээһиҥҥэ үчүгэйдик үлэлээбиттэр. Ыалдьыттарга анаан «палаточнай городок» оҥорбуттар, киэҥ-куоҥ аһыыр сир, күрэхтэһии кэмигэр олохтоохтор бэлэмнээбит астара: сибиэһэй собо, мунду, ыһаарыламмыт эт, быырпах, морс, алаадьы, сүөгэй о.д.а. бурдук ас атыыга хото тардыллыбыт.

DSCN3959

Күрэхтэһии үөрүүлээх аһыллыыта сэргэхтик, сонуннук барда. Дьон-сэргэ, оҕо-аймах киирсиини көрөөрү мустубут. Оҕолор спортсменнары минньигэс алаадьынан, быырпаҕынан күндүлээтилэр, хамаандалар хаытааннарыгар чинэкэлэр бэйэлэрэ оҥорбут сувенирдарын бэлэхтээтилэр. Эдэр ырыаһыт Аина Новикова намыын куолаһынан «Чинэкэ Бэрэтэ» ырыаны толордо. Бүлүү улууһун баһылыгын социальнай боппуруостарга солбуйааччы, улуус волейболга федерациятын салайааччыта Венера  Тихонова, Чернышевскай нэһилиэгин баһылыгын солбуйааччы Акулина  Николаева эҕэрдэ тылы эттилэр.

Күрэхтэһии былааҕын үөрүүлээх быһыыга-майгыга өрө күөрэтэн таһаардылар. Кумаара суох, сиккиэр тыаллаах сөрүүн күн көнө-налыы кырдалга аһаҕас халлаан анныгар киэҥ сиринэн сүүрэн-көтөн, волейболга хамаанданан күрэхтэһии бэрт тэтимнээхтик саҕаланна. Кылаабынай судьуйанан сүүрүк-марафонец, спорт бэтэрээнэ Александр Корякин таһаарыылаахтык үлэлээтэ.

IMG 20180616 171208

Икки күннээх улахан эрийсиилээх киирсиилэр түмүктэринэн 35-гэр диэри саастаах дьахталларга 7 хамаандаттан бастакы бириистээх миэстэни – «Вилюйка», иккиһи – Үөһээ Бүлүү, үсүһү «Эрэл» хамаанда ыллылар. Эр дьоҥҥо 35 саастарыгар диэри бөлөххө бастакы бириистээх миэстэни – Тамалакаан, иккиһи – Үөһээ Бүлүү, үсүһү — Үөһээ Бүлүү техникума, төрдүһү Бүлүүтээҕи лесхоз хамаандалара ыллылар. Бэтэрээннэргэ 55 саастарыгар диэри эр дьоҥҥо бастакы бириистээх миэстэни – Бүлүү куората, иккиһи – Чинэкэ, үсүһү — «Оленск» хамаандалара;  55 сааһыттан үөһэ бөлөххө бастакы – «Оленск» хамаанда, иккис чинэкэлэр буоллулар.

Кыайыылаах хамаандаларга анал мэтээллэр, дипломнар, бириистэр үөрүүлээх быһыыга-майгыга туттарылыннылар. Сибиэһэй салгыннаах, күөх хонуулаах, киэҥ-куоҥ Чинэкэ Бэрэтин кырдалыгар волейбол, чөл олох бырааһынньыга бэркэ табылынна, нэһилиэк дьонун-сэргэтин сүргэтин көтөхтө, үрдүккэ кынаттаата.

Ааптар Николай Федоров.

http://ulus.media

Поделиться:

Комментарии  

Николай Гаврильев
0 Николай Гаврильев 20.06.2018 19:07
Волейбол в вилюйских районах начал развиваться быстрыми темпами. И главы районов поддерживают поступательное движение волейбола. Будет время, когда мои земляки будут ведущими волейболистами в Республике. Тому пример Никифор Иванов, Гаврил Захаров и ваш покорный слуга (я из Верхневилюйского района). Рад, что именно в вилюйских районах впервые организовали такой грандиозный праздник волейбола.
Ответить

Добавить комментарий

Защитный код
Обновить

#Новости

Кирсан Илюмжинов отстранен от должности президента FIDE

Комиссия по этике Международной шахматной федерации (FIDE) отстранила от должности…

Франция и Хорватия разыграют в Москве титул чемпиона мира!

Матчу будет предшествовать церемония закрытия, которая, по словам постановщика Феликса…