Оҕо спортивнай оскуолатын үлэһитэ Туяра Емельянова уонна ис дьыала отделын улэһитэ Наталья Григорьева кыайыылааҕынан таҕыстылар.
“Кириэстээх“ былаһааккатыгар пляжнай волейболга бастакы күн дьахталлар күрэхтэһиилэригэр сэттэ хамаанда кытынна. Оскуола оҕолоро көхтөөхтөрүн көрдөрдүлэр. Ити аата Амма волейбола инникилээҕин, аатырбыт волейболистарын солбуйааччылар өссө даҕаны баалларын туоһулуур.
Кыргыттарга күрэхтэһиигэ иккис миэстэ Адамова Диана уонна Алексеева Валентина, үсүһү Никандрова Алена уонна Шишигина Ангелина ыллылар, төрдүскэ Швердина Вламира уонна Федорова Виолетта таҕыстылар.
Күрэхтэһии иккис күнүгэр эр дьоҥҥо 9 хамаанда кыттыбытыттан, Ньургун Иванов уонна Данил Иванов иннилэрин кимиэхэ да биэрбэтилэр. Иккис миэстэҕэ Захаров Дьулустан уонна Вензель Миша, үһүскэ Соловьев Айтал уонна Мухаметов Коля буоллулар.
Хамаандалар улуустааҕы спорт управлениетын мэтээллэринэн, грамоталарынан наҕараадаланнылар. Сүрүн бириистэри Станислав Терентьев уонна улуустааҕы волейбол федерацията туруордулар.