«Эр Бэрдигэр» бастыҥынан Илья Чемезов ааттанна уонна 20 000 харчынан бирииһи тутта.
Хапсаҕайга эдэрдэргэ былырыын оскуоланы бүтэрбит Дархан Степанов чаҕылхай киирсиини көрдөрдө.
Мас тардыһыытыгар тириэньэринэн үлэлии кэлбит Александр Соловьев эрэллээхтик бастаата, кини иитиллээччитэ 9 кылаас үөрэнээччитэ Вильям Заровняев улахан дьону кытта тэҥҥэ киирсэн көрөөччүлэр биһирэбиллэрин ылла.
«Ырыа куттаах ыал»-Маҥаныттан Вензеллэр.
«Үрүҥ күн үҥкүүтэ оһуокай» -оһуокай этээччилэр күрэстэригэр кырдьаҕастарга Петр Сивцев— «Аан Дархан этээччи», Солоҕонтон Парасковья Тарасова бастыҥынан ааттаннылар.
«Ырыа сүрэх төлөнө» эдэр ыччакка ырыаҕа биирдиилээн толорооччулар аһаҕас куонкурустарыгар Гран-при ааты Антон Абрамов ылла.
Дьон болҕомтотун тарпыт биир интэриэһинэй аһас дьон «ТОТ-шоу» күрэҕэр уопсайа 5 кыттааччыттан Алексей Черепанов «Моҕус Боотур» ааттанан тото-хана да аһаата, харчынан да наҕараадаланна.
«Кырдал кыыһыгар» кыайыылаах Одунуттан Ольга Волгина.
«Толбоннурар уһун суһуох» VIII кылаастан 18-с саастарыгар диэри кыргыттар күрэстэригэр «Мэҥэ аат» кыайыылааҕынан Атамайтан Айсулу Семенова буолла.
Фольклорга-тойукка Солоҕонтон Парасковья Тарасова, Дэгэрэҥҥэ М. Новгородова, Кэптинтэн Е. Николаев, Бэрдьигэстээхтэн И. Васильев, Ю. Александрова, Е. Александрова, Кировскайтан П. Мухоплев бастыҥнарынан ааттаннылар.
Сахалыы таҥаһы көрүүгэ Т.Г. Константинова-Аммосова, А.И. Яковлева, В.В. Мамаева, Г.В. Дьячковская олус мааны, сахалыы кэрэ таҥастары тиктэн, симэнэн дьон дьүүлүгэр таһааран бастаатылар.
Саамай күүтүүлээх ат сүүрдүүтэ ипподром сиригэр элбэх көрөөччүнү түмтэ. Манна саамай бэлэмнээхтэрин Мытаахтан В.И. Варламов аттара көрдөрдүлэр. Ыалдьыттар Хатастан, Бүлүүттэн, Дьокуускайтан тиийэ кэлэн күрэхтэстилэр. Дистанциянан кыайыылаахтар спонсордар туруорбут сыаналаах бириистэринэн наҕараадаланнылар.
Ааптар: Күннэй Алексеева.
Вячеслав Алексеев, Василий Тимофеев хаартыскалара