Мантан ыла олохтоохторго анаан кроссфит, фитнес-аэробика, дуобат, тиэннис дьарыктара уонна араас таһымнаах күрэхтэр ыытыллыахтара.

Чурапчы улууһугар маассабай успуорт, физкултуура сайдыытыгар сүҥкэн кылаатын киллэрбит Саха АССР култууратын үтүөлээх үлэһитэ, “Урожай” ыспартыыбынай уопсастыба бочуоттаах чилиэнэ, ССРС физическэй култууратын туйгуна, биир дойдулаахпыт Афанасий Кирикович Софронов төрөөбүтэ 90 сылынан “Боотур Уус” стадион иннигэр кини бюһа турда. Итиэннэ  А.К. Софронов аатын сүгэр култуурунай ыспартыыбынай комплекска Чурапчы нэһилиэгин дьаһалтата өйдөбүнньүк истиэндэни оҥоттордо. Ону таһынан өрөмүөн үлэтин ыытан, эти-хааны чэбдигирдэргэ сөптөөх усулуобуйаны тэрийдэ.

Чурапчылар ыспартыыбынай комплекс иккис тыынын ылан, аанын арыйар үөрүүлээх күнүн бэлиэтээтилэр. Мантан ыла олохтоохторго анаан кроссфит, фитнес-аэробика, дуобат, тиэннис дьарыктара уонна араас таһымнаах күрэхтэр ыытыллыахтара.

СӨ ыччакка уонна социальнай коммуникацияларыгар миниистирэ С.А. Саргыдаев, Чурапчы нэһилиэгин баһылыгын эбээһинэһин толорооччу А.Г. Егоров, Чурапчы улууһун баһылыгын социальнай боппуруостарга солбуйааччы Н.И. Аммосов, нэһилиэк дьокутаата, “Хатан” ХЭТ генеральнай дириэктэрэ В.Д. Сивцев, СӨ физкултуураҕа уонна успуорка үтүөлээх үлэһитэ Е.В. Пудов, Чурапчы улууһун Бочуоттаах олохтооҕо, остуол тиэниһин, волейбол оонньуу пропагандиһа Г.С. Платонов, А.К. Софронов аатынан култуурунай ыспартыыбынай комплекс дириэктэрэ М.М. Степанов эҕэрдэ тылларын эттилэр.

IMG 1917

Бу күн ыспартыыбынай комплекс үлэтин Чурапчы нэһилиэгин ыччатын хамаандаларын икки ардыларыгар волейбол күрэҕиттэн саҕалаата. Параады СӨ физическэй култууратын уонна успуордун туйгуна А.С. Дьячковскай салайан киллэрдэ.

Ааптар: Семен Жендринскэй, «Газета "Саҥа олох"» 

Поделиться:

Добавить комментарий

Защитный код
Обновить

#Новости

На турнире памяти Юрия Власко борцы из Бурятии завоевали 11 медалей

Двое спортсменов стали золотыми призёрами соревнований