Оҕолор нэдиэлэҕэ үстэ физкультуранан дьарыктаналлар, эттэрин-хааннарын сайыннараллар, сымса-сылбырҕа буоларга эрчиллэллэр.

Покровскай куорат «Сардаана» оҕону сайыннарар киинигэр «Кэнчээри» бэлэмнэнии бөлөҕөр 24 оҕо сылдьар. Иитээччилэр – Ирина Дмитриевна Адамова, Маайа Анатольевна Емельянова. Физинструктор Аксинья Владимировна Николаева оҕолору кытта дьаныардаахтык дьарыктанар, эт-хаан өттүнэн сайыннарар.

e909b5b4 fd98 4ec3 98ad daed9d14774a

Алтынньыга оҕолорбут ГТО нормативтарын ситиһиилээхтик туттардылар. Ол курдук маннык көрүҥнэргэ бэйэлэрин тургутан көрдүлэр:

30 м сүүрүү;

төттөрү-таары сүүрүү (челночный бег 3х10м);

кыра мөһөөччүгү ыраахха быраҕыы;

олорон эрэн симии мээчиги ыраахха быраҕыы;

миэстэттэн ырааҕы ыстаныы;

сүүрэн кэлэн үрдүгү ойуу;

имигэс буолууга;

сытан эрэ илиилэринэн анньыныы (уолаттар);

сытан эрэ көхсүнү көтөҕүү (уолаттар).

ff755365 a8ff 492a a92a 9cdbfd88629c

Көрүҥнэр түмүктэринэн үрдүк ситиһиини биэс оҕо көрдөрдө, орто ситиһиини – 16, намыһах – икки. Биир оҕо справкалаах.

Сүүрүүгэ Вадим Афанасьев, Мирослав Варламов, Юля Дьячковская, Арчылаана, Алгыстаана Ивановалар, Егор Корякин, Сандаара Семенова, Эрхаан Филиппов үчүгэй көрдөрүүлээхтэр.

Эмилия Олесова, Тускул Тихонов, Эрхаан Филиппов уҥа-хаҥас илиилэринэн мөһөөччүгү барыларыттан ыраах бырахтылар.

Симии мээчиги элбэх оҕо ыраахха кыыратта: Эрхаан Аммосов, Аделина Афанасьева, Мирослав Варламов, Арчылаана, Алгыстаана Ивановалар, Егор Корякин, Алеша Лебедев, Сайаана Николаева, Эмилия Олесова, Тускул Тихонов, Рома, Эрхаан Филипповтар, Эльдар Исаков.

d17ef399 b116 43c3 8322 8e3cb7ca9dfc

Ырааҕы ыстаннылар Эрхаан Аммосов, Алгыстаана Иванова, Сайаана Николаева, Сандаара Семенова, Тускул Тихонов, Рома Филиппов.

Алгыстаана Иванова, Сайаана Николаева, Тускул Тихонов барыларыттан үрдүгү ойдулар.  

Имигэс буолууга ким төҥкөйөн сиргэ дылы ытыһын тиэрдибит, ол үрдүк көрдөрүүлэнэр. Эрчиллиигэ оҕолор атахтара көнө буолара ирдэнэр. Эрхаан Аммосов, Вадим Афанасьев, Мирослав Варламов, Юля Дьячковская, Арчылаана, Алгыстаана Ивановалар, Алеша Лебедев, Сайаана Николаева, Эмилия Олесова, Сандаара Семенова, Рома, Эрхаан Филипповтар, Аурелия Харитонова олус имигэстэр эбит.

Уолаттарга сытан эрэн илиилэринэн барыларыттан элбэхтик анньыннылар Мирослав Варламов – 11, Тихонов Тускул – 11, Рома Филиппов – 10, Эрхаан Филиппов – 12. 

60e7063e 4dd6 4423 877a 07f5eb2854a2

Онтон көхсүнү көтөҕүүгэ Эрхаан Филиппов 20-тэ оҥорон, эрэллээхтик бастаата. Мирослав Варламов – 18, Афанасьев Вадим – 16, Рома Филиппов – 14, Алеша Лебедев – 12, Егор Корякин – 11, Владик Уваров – 11, Эрхаан Аммосов – 10, Тускул Тихонов – 10, Эльдар Исаков – 10.

34865647 e2c9 4f3f ab0c de0500b0b7fb

Түмүккэ биэс оҕо – Мирослав Варламов, Алгыстаана Иванова, Тускул Тихонов, Рома, Эрхаан Филипповтар - үрдүк ситиһиилэри көрдөрдүлэр.

Аны саас, ыам ыйыгар, түмүктүүр ГТО туттарыыта буолуоҕа. Онно бары оҕолор көрдөрүүлэрин тэҥнээн көрүөхпүт, ким элбэхтик дьарыктаммытын, эбиллибитин билиэхпит.

533ba76a a8f2 4fcf 8b56 5c07a443eae4

Алтынньы ортотугар буолбут "Көмүс күһүн, көрсүөххэ диэри" диэн аралдьыйыыга оҕолор күһүнү атаардылар, көхтөөхтүк кытыннылар, дуоһуйа оонньоотулар, сүүрдүлэр-көттүлэр. Ол курдук икки командаҕа арахсан, ким түргэнник оҕуруот аһын хомуйан, корзинаҕа угарын күрэхтэстилэр.

Манна Мирослав Варламов командата кыайыылаах таҕыста. Төрөппүттэр эмиэ оҕолорун кытта тэҥҥэ күрэхтэһэн, сүүрэн-көтөн дуоһуйууну ыллылар.

18af25a4 a3a1 4932 9095 37bcfce426c9

Кылгас сайыннаах, аҕыс ыйдаах аргыардаах тымныылаах, ирбэт тоҥ  буордаах, тыйыс, дьикти кэрэ айылҕалаах Сахабыт сирин оҕолоро физкультураны таптыыр, доруобуйаларын туһугар кыһаллар, спордунан умсугуйан дьарыктанар, тула өттүнэн сайдыылаах дьон буола улааттыннар. Чэгиэн-чэбдик оҕо – төрөппүт дьоло, норуот дьылҕата!

Ирина АДАМОВА, «Сардаана» оҕону сайыннарар киин иитээччитэ, Покровскай куорат 

119e0ee9 b976 40a9 b856 5f41a7695a22

9610550b ddc4 44e1 800c eb6026948396

dad8127a 010e 4a07 b210 a1df382ae0a8

 

Поделиться:

Добавить комментарий

#Новости

Минспорт Якутии приглашает на работу в сферу физической культуры и спорта

27 января в 14.00 ч. состоится онлайн-ярмарка вакансий «Траектория карьеры».

ЧР-2021 в Улан-Удэ по вольной борьбе может пройти со зрителями

Сейчас этот вопрос находится на контроле у минспорта Республики Бурятия