Тэрээһин Сунтаардааҕы остуол оонньууларын федерацията тэриллибитэ 5 сылын, ХХ Манчаары оонньууларын көрсө өбүгэлэрбит оонньууларын харыстыыр, үйэтитэр сыаллаах ыытылынна.
Сахалыы остуол оонньууларын – хабылык, хаамыска, тырыыҥка, тыксаан, күөрчэх – тустарынан ис-киирбэх, оҕо-аймах сөбүлээн ыллыыр ырыалара айыллан, 11 музыкальнай клип дьүүллүүр сүбэ иннигэр көрдөрүлүннэ. Захарова О.В. - «Саха” НКИК Сунтаардааҕы филиалын салайааччыта, СР телерадиовещаниетын туйгуна, Семенова М.С.- Элгээйитээҕи искусство оскуолатын директора, культура туйгуна, Ксенофонтова Т.Е. – Сунтаардааҕы остуол оонньууларын федерациятын толорооччу директора, СР үөрэҕириитин туйгуна, Иванова М.Х. – Сунтаардааҕы МЦБС кылаабынай библиотекара, Саввинова О.Б. – ОДО МОУО сүрүннүүр специалиһа, Ноговицын С.А. – “Сунтаар сонуннара” улуус хаһыатын корреспондена сэттэ ирдэбилинэн сыаналаатылар, протокол толордулар.
Кыайыылахтар ааттара:
Гран ПРИ - «Хабылык» (Варвара Аргунова тыла, Виктория Мойтохонова матыыба); I лауреат - «Остуол оонньуута» (Сайылык Уолун тыла, матыыба); II лауреат - «Өбүгэ оонньуута» (Туйаара Алексеева тыла, Ирина Амбросьева матыыба); III лауреат - «Хабылык» (Светлана Сергеева тыла, матыыба); I дипломант - «Өбүгэбит оонньуута» (Екатерина Коротова-Кэтии Лэчил тыла, Наталья Константинова матыыба); II дипломант - «Дьиэ-кэргэн оонньуута» (Саргылаана Спиридонова тыла, Маргарита Архипова матыыба); III дипломант - «Өбүгэбит оонньуута» (Любовь Борисова-Таптал тыла, Маргарита Архипова матыыба); “Хомоҕой хоһоонноох клип” номинация – “Саха оҕото буоламмын” (Варвара Максимова –Тырымнаайы тыла, матыыба); “Саамай кырачаан кыттааччылаах клип” номинация – “Саха бастыҥ оонньуута” ( Мария Кобельянова-Тускулаана тыла, матыыба).
Өбүгэбит оонньууларын үйэтитиигэ кылааттарын киллэрбит спонсордар: Бурцев А.С.- СР остуол оонньууларын Федерациятын салайааччыта, ООО “КОМПЛЕКССТРОЙ” “Амелия” мебельнай мастарыскыай, ИП Егорова Н.И.(“Альфа”), ИП Львова Н.Г. (“Корона”), ИП Васильева С.А.(“Гермес”), “Чебурашка” оҕо сайдар киинэ (Егорова А.П.), улуус библиотеката (Иванова Т.Н.), Элгээйиттэн Иванова А.К.
Хас биирдии ырыа тылын суруйбут ааптардарга, матыыбын айбыт мелодистарга, ыллаабыт оҕолорго, иитээччилэргэ, кыттыыны ылбыт уһуйааннарга, спонсордарга УЛАХАН МАХТАЛ ТЫЛЛАРЫН тиэрдэбит.
Бу ырыалары оҕо-аймах сөбүлээн ыллыа, сахалыы остуол оонньууларын умнубакка оонньуо диэн эрэнэбит…
Мария Васильева, Сунтаар.
