Хайыһарынан сүүрүүгэ билигин Саха сирин хайыһардьыттара Россия хамаандатыгар киирэргэ чугас таһымҥа сылдьаллар. Отон үйэ аҥаарын анараа өттүгэр балаһыанньа хайдах этэй?

Саха сирин хайыһарга 26 төгүллээх чемпиона, спорт маастара Семен Черноградскай аатын билбэт спортсмен ахсааннаах буолуо. Кини эдэр эрдэҕинэ сиппэтэҕин, сааһыран баран ситэн турар. 50 сааһын туолан баран Финляндияҕа тиийэн сэттис буолбута – 24 дойду эдэр хайыһардьыттарыттан кини иннигэр биэс финн, биир швейцарец түспүттэрэ. Ити көрдөрүү хатыланыан сөп. Красноярскай кыраай чемпионатыгар 14 сыл балыс дьон күрэхтэһиилэргэр үһүс бириистээх миэстэҕэ тиксибитэ. Ол эмиэ хатыланыан сөп.

28d07b52 106a 4623 8a68 3525e13100e7

Оттон Семен 18 саастааҕар ССРС спордун маастарын нуорматын Улан-Удэҕэ толорбута. Дьокуускайга 24 маастартан 23-н кыайбыта. Юниор уол 23 ССРС маастарын барыларын кэннигэр хаалларбыта. Ити 50-тэн тахса сыл буолла.

Семен Ильич көрдөрүүлэрин аһара түспүттэр бааллар. Ол эрээри, кини 23 көрдөрүүтэ билигин даҕаны хатылана иликтэр. Онтон 10 көрдөрүүтэ 50 сыл хатыламмакка турдулар уонна хаһан эмэ хатыланаллара саарбах.

IMG 9092

Саха сирин спорка чиэһин 14 сыл көмүскээбит история учуутала Швецияҕа аан дойду кубогар кыттыытын туһунан Москваҕа сылга биирдэ тахсар хайыһардьыттар сурунааллара 10 (!) сыл буолан баран, “Биһиэхэ, Россияҕа, маннык спортсменнар бааллар!” диэн анаан-минээн “Мэтириэттэр” рубрикаҕа суруйан турар. Итинник билиниини Саха сириттэн ылбыт спортсмен суох.

Петр ПАВЛОВ

Поделиться:

Добавить комментарий

uluu2

#Новости