тотоойу, минньигэс аһылыгынан күндүлээтилэр-маанылаатылар, эҕэрдэлээтилэр, сибэкки дьөрбөлөрүн, “Улуу Кыайыы” бэлэхтэрин туттардылар. Саха сирин спордугар үлэлээбит, билигин бочуоттаах сынньалаҥҥа олорор 80 саастарын ааспыт спорт ветераннара ааспыт кэмнэрин ахтан-санаан аастылар.
Спорт миниистирэ Леонид Спиридонов бэйэтин эҕэрдэ тылыгар Улуу Кыайыы 80 сыллаах үбүлүөйүн суолтатын, кыайыыны аҕалбыт буойуннар, үлэ-сэрии ветераннара чиэстэнэллэрин, үгүс дьаһаллар, олор истэригэр физкультурнай-спортивнай үлэлэри Министиэристибэ 18 тэрилтэлэрэ, улуустарга 11 Олимпийскай солбук оҕо спортивнай оскуолалара тэтимнээхтик ыыталларын, чэбдигирдэр сэрээккэлэр көхтөөхтүк саҕаламмыттарын, оҕолор, ыччаттар, нэһилиэнньэ, салайааччылар спорду сэҥээрэллэрэ күүһүрэн иһэрин, спортка аналлаах тутуулар сыллата эбиллэллэрин, спартакиадалар ыытыллаларын, маассабас үрдэүүрүн, Саха сирин спортсменнара спорка ситиһиилэринэн үөрдэллэрин, араас көрүҥнэргэ Россия, Европа, аан дойду, Олимпийскай оонньууларга тиийэ чөмпүйүөннэринэн, призердарынан буолуталыылларын, спорду үрдүк таһымҥа тиэрдэр физкультура учууталлара, тренердэр, тэрийэр-салайар үлэһиттэринэн, спорт ветераннарынан киэн туттуу баарын, физкультура-спорт эйгэтин бастыҥнара үрдүк сыанабылы ылалларын, Ил Дархан “Үлэ киһитэ” бириэмийэтинэн наҕараадаламмыттарынан дьон-сэргэ киэн туттарын, быйыл Тааттаҕа Манчаары оонньууларыгар бэлэмнэнии күргүөмнээхтик бара турарын, стадион күрэхтэһиини ыытарга бэлэмин, элбэх өрүттээх улахан спортивнай комплекс, Чөркөөххө модульнай спортивнай саала тутуулара түмүктэнэн эрэллэрин бэлиэтээтэ.
Көҥүл тустууга Россия чөмпүйүөнэ, ССРС Сэбилэниилээх Күүстэрин үрүҥ көмүс призера, 90-сылларга спорт миниистиринэн үлэлээбит, Петр Егорович Попов; хоту көһөрүллүүгэ сылдьыбыт, өрөспүүбүлүкэ спордугар сүрүн буҕаалтарынан үлэлээбит,
сахалартан бастакы норуоттар икки ардыларынааҕы кылаастаах спорт маастара Алексей Ермолаев эдьиийэ, 88 саастаах Сусанна Николаевна Ермолаева;
олоҕун бүтүннүүтүн спорка анаабыт, “Үлэ киһитэ” лауреатын үрдүк аатын ылбыт Маргарита Григорьевна Куличкина,
“Спартак” физкультурнай-спортивнай общество үлэһитэ, сүүрүгэ-быһыйа, баскетболга өрөспүүбүлүкэ чөмпүйүөҥкэтэ, ГТО нормативтарын туттарыыга ССРС чөмпүйүөҥкэтэ, Дьокуускай куорат спорка Управлениетын начальнигынан үлэлээбит Галина Степановна Сырмолотова;
60-с сыллардаахха өрөспүүбүлүкэ буулдьанан ытыыга чөмпүйүөҥкэтэ, күн бүгүнүгэр диэри судьуйалыыр Римма Павловна Алексеева;
көҥүл тустуу уонна хайыһар спордун тренерэ, аан дойду чөмпүйүөннэрэ уолаттардаах Степан Степанович Контоев спорка ситиһиилэрин, үлэлэрин кэпсээтилэр.
Көҥүл тустууга өрөспүүбүлүкэ бастакы чемпионатын чөмпүйүөнэ, спорт кэмитиэтин бэрэссэдээтэлинэн үлэлээбит 95 саастаах Семен Иванович Алексеевы, буҕаалтардар Матрена Петровна Алексееваны, Мария Дмитриевна Заровняеваны дьиэлэригэр тиийэн көрсөн эҕэрдэлээтилэр.
Көрсүһүү үүттээх итии чэйи иһэ олорон кэпсэтии истиҥник-иһирэхтик ааста. Аҕам саастаах сэрии сылларын оҕолоро өрөспүүбүлүкэ спорка салайааччыларыгар махтаннылар, Саха сирин спортсменнарыгар ситиһиилэри, кыайыылары-хотуулары баҕардылар.
Баһылай Посельскай
