Профессор Г.П.Башарин аатынан Сылаҥ орто оскуолатыгар 35 сыл оҕону иитиигэ-үөрэтиигэ, эҥкилэ суох үлэлээбит, саха уола-норуот кэскилэ буоларын дириҥник өйдөөн, үлэтин-хамнаһын, олоҕун сыала оҥостубут, «Гражданскай килбиэн” бэлиэ хаһаайына, РФ президенин Гранын кыайыылааҕа, СӨ көҥүл тустууга үтүөлээх тренерэ Егор Иванович Яковлев махталлаах иитиллээччилэрин бириистэригэр өрөспүүбүлэкэтээҕи көҥүл тустууга турнир үрдүк таһымнаахтык буолан ааста.
Амма, Горнай, Дьокуускай куорат уонна Чурапчы улууһун көҥүл тустууга бары филиалларыттан 126 бөҕөс кэлэн күөн көрүстэ. Ол курдук 2009-2014сс. төрөөбүт уолаттарга 20 киилэҕэ Говоров Айтал (Сылаҥ), Макаров Авсик (Сылаҥ), 20 кг Софронов Витя (Дириҥ), 26 кг Васильев Айаал (Мугудай), Романов Захар (Амма), 28 кг Иванов Айдын(Дириҥ), Сергеев Диас (Дьокуускай), 30 кг Никифоров Коля (Амма), Семенов Эрнест (ЧРССОШИОР), 32 кг НурбековТилек (Дьокуускай), 35 кг Петров Тимур (Дьокуускай), 38 кг Яковлев Марат (ЧРССОШИОР), 41 кг Капитонов Дьулус (ЧРССОШИОР), 40 кг Скрябин Соломон (ДЮСШ 3), 42 кг Прохоров Рома (Дьокуускай), 44 кг Аммосов Айтал (ЧРССОШИОР), 52 кг Окороков Святослав (Амма) чөмпүйүөн үрдүк аатын ыллылар. Маны таһынан сымса-сылбырҕа, түргэн толкуйдаах, мындыр саха хапсаҕайын оонньуутугар 35 кг дылы Попов Дамир (Амма), 35 үөһэ Протодьяконов Толя ( Сылаҥ) тэҥнээхтэрин булбатылар. СӨ үтүөлээх тренерин Яковлев Е.И. анал бирииһин Капитонов Дьулус (ЧРССОШИОР) 14 бөҕөһү кэннигэр хаалларан ылыан ылла, маны таһынан, иитиллээччилэр олохтообут номинацияларын “Бастыҥ бөҕөс” ааты Говоров Айтал (Сылаҥ), Сергеев Диас (ДЮСШ-5), ”Бастыҥ техника” Яковлев Марат (ЧРССОШИОР), ”Кыайыыга дьулуур” Никифоров Коля (Амма), Никифоров Саян (Сылаҥ)”, «Инники эрэл” Башарин Саша (ДСЮШ-5), Екимов Дима (ДЮСШ-3) кыайыылаахтарынан буоллулар.
Бу турниртан Саха омук кэскилэ - уол оҕо, эр бэрдэ кыайыыттан үөрүү- өрөгөй, хотторууттан кыһыы-аба, хомолто уһаарыытын ааһан, үрдүккэ күөрэйэ көтүөхтэрэ... Олимп хайатын дабайыахтара!
Сивцева Л.С., Сылаҥ орто оскуолатын саха тылын, литературатын учуутала.