копия

Өбүгэлэрбит уһун кыһын көмүлүөк иннигэр төгүрүк остуол тула хабылыгы, хаамысканы таптаан оонньуулларын утумнаан, сааскы күннэр саҕаланыыларыгар Уус Алдан улууһун киинигэр, Бороҕоҥҥо, оҕо сайдар киинигэр оскуола иннинээҕи саастаах оголор хабылыкка күрэхтэрэ буолан ааста.

Бу күрэх төрдүс сылын ыытыллар, бу иннинэ Танда бөһүөлэгэр «Кэнчээри» оҕо уһуйааныгар ыытыллыбыта. Күрэхтэһии педагогическай үлэ ветерана, РСФСР үөрэҕэриитин туйгуна, остуол оонньуутун пропагандиһа Розалия Николаевна Готовцева кэриэһигэр анаан ыытыллар. Күрэхтэһиини тэрийээччилэринэн Тандатааҕы «Кэнчээри» оҕо уһуйаанын коллектива, Р.Н.Готовцева оҕолоро этилэр. Быйыл күрэхтэһии улуус киинигэр ыытылынна, тэрийээччилэргэ улуустааҕы хабылык федерациятын салалтата кыттыста. Быйылгы күрэххэ 8 оҕо уһуйааныттан 35 оҕо кытынна. Элбэх кыттыыны Найахытааҕы «Чэчир» оҕо уһуйаанын иитилээччилэрэ ыллылар. Күрэх икки группаҕа арахсан – улахан уонна бэлэмнэнии бөлөх оҕолоро оонньоотулар. Улахан бөлөххө 15 оҕо кыттыбытыттан «Чэчир» уһуйаан иитиллээччитэ Ванесса Гоголева бастаата уонна 0,39 сөкүүндэнэн бүтэрэн рекорд олохтоото. Иккис миэстэни Эрчим Бысыин, үһүс миэстэни –Арчылаан Турантаев Тиит Арыы «Чуораанчык» уһуйааныттан таҕыстылар. Бэлэмнэнии бөлөххө 20 оҕо кыттыбыттыттан кыайыылааҕынан Диана Дорофеева Танда «Кэнчээри», иккис миэстэни – Слава Гуляев, үһүс миэстэни – Нарыйаана Константинова, Найахы «Чэчир» уһуйаана буоллулар. Иитээччилэр икки ардыларыгар хаамыска, хабылык күрэҕэр 20 киһи кытынна. Кыайыылаахтарынан Л.И.Готовцева, Нь.Е.Гоголева (Найахы), А.П.Васильева буоллулар. Уопсай түмүккэ Найахы хамаандата көһөрүллэ сылдьар кубок хаһаайынынан буолла, сыаналаах бирииһинэн наҕараадаланна. Күрэхтэһии саҕаланыытыгар эҕэрдэ тыллары Н.М.Литвинцев хабылык федерациятын салайааччыта, А.А. Попова үөрэх үлэһиттэрин профсоюһун салайааччыта, Ф.В.Готовцев, Р.Н.Готовцева уола, эттилэр. Спонсордарынан буоллулар улуустааҕы үөрэх управленията, хабылык федерацията, үөрэх үлэһиттэрин профсоюһа. Күрэхтэһии тэрээһиннээхтик барыытыгар «Кэскил» оҕо уһуйаанын салайааччыта Мария Михайловна Федорова оруола улахан. Быйылгы курэхтэьии оголор мастерстволара тупсубутун көрдөрдө, хабылык биатлонун киллэрии биһэрибили ылла.

Тэрийээччилэр уонна кыттааччылар Р.Н.Готовцева оҕолоругар, аймахтарыгар махталлара улахан.

Сыллата күрэхтэһиини бары көмөлөөн Бороҕоҥҥо ыытарга сүбэлэстилэр.

Хабылык федерациятын салайааччыта Степан Моисеевич Литвинцев бэйэтинэн судьуйалаан, спонсордаан күрэхтэһиини көҕүлээбитин дьон астынна.

Л.И.Готовцева,

М.П.Яковлева,

Найахытааҕы «Чэчир» оҕо саадын иитээччилэрэ

Поделиться:

#Новости

Более 30 крупных спортобъектов построили в Якутии за пять лет

Всего 32 крупных спортивных объекта построили в республике за пять лет по различным…