124

А.И.Донской кэриэһигэр республиканскай остуол күрэхтэһиитин кэнниттэн бэйэм санаабын үллэстиэм этэ

Ордук эдэр ыччат маастарыстыбата, оонньуур таһыма лаппа үрдээбитэ киһи хараҕар быраҕыллар.

Бу күрэхтэһиигэ сааһынан араарыы син сөп курдук. Ол гынан баран, кырдьаҕастарга 61-75 саастарга дылы диэри быһыллыбыта табыгаһа суох курдук. 80 саастаах Андрей Иванович Донской кытта тыыннааҕар остуол оонньуутун тэҥҥэ пропагандалаан оонньуу сылдьыбыт кырдьаҕастарбыт матан хааллылар.

Үөһээ бүлүүлэр маладьыастар! 2017 с. ыытыллар Манчаары оонньууларыгар биир дойдулаахтара А.И.Донской төрүттээбит остуол оонньууларын программаҕа киллэттэрдилэр.

Манна мин баҕа санаам. Күрэхтэһиигэ кыттааччылар састааптарыгар инбэлииттэри бу Манчаары оонньуутугар кытыннарартан туттунуохха баар этэ. Ханнык да күрэхтэһиигэ доруобай спортсменнары кытта инбэлиит спортсменнар күрэхтэһиилэрэ тэҥҥэ ыытыллыбат. Тус-туһунан буолаллар. Холобур, олимпиада, паралимпиада, сурдлимпиада.

Билигин да төһө да сааһырдаллар остуол оонньуутун пропагандалыы сылдьар, бэйэлэрин кылааттарын киллэрбит ветеран спортсменнары умнумуохха баара, күрэхтэһиигэ кытыннаран үөрдүөххэ-көтүтүөххэ, эдэр саастарын санатыахха баар этэ.

Биллэн турар, күрэхтэһиигэ ким баҕалаах барыта кыттыбат. Хамаанда састаабыгар отборочнай күрэхтэһиилэри ааһан киирбит спортсменнар кытталлар. Ону ааспыт спортсменнар классификационнай нормативы толоруохтаахтар. Хабылыкка – 30 хабылыгы – 1 мүн.45 сөк. Хаамыскаҕа 25 очкону ылбыттар кыттыахтаахтар. Тэрийэр хамыыһыйа бу мин санааларбын учуоттуура буоллар диэн баҕа санаалаахпын.

Республика остуол оонньууларын күрэхтэһиитин хас да төгүллээх кыттыылааҕа, призера, спорт ветерана Дмитрий ИВАНОВ.      

Поделиться:

Добавить комментарий

#Новости