От ыйын 10 күнүгэр, «Манчаары оонньууларын» иһинэн «Тоҕус туруйа уол, сэттэ кыталык кыыс» диэн чэпчэки атлетикаҕа этноэстафета буолла. 

Бу эстафета саха норуотун спортивнай үгэстэрин харыстыыр уонна сайыннарар, ыччакка холобур буолар сыаллаах ыытылынна. Хамаандаҕа 17 киһи — 9 эр киһи, 7 дьахтар буолан сүүрдүлэр. Бу дьон иһигэр улуус баһылыга эбэтэр солбуйааччыта, оттон тэриллиилэр хамаандаларын салайааччылара эбэтэр солбуйааччылара хайаатар даҕаны кыттыахтаахтар диэн ирдэнэр усулуобуйалаах. Кинилэри кытта «Манчаары оонньууларыгар» кыттар спортсменнар сүүрдүлэр: салайааччылар 50-нуу миэтирэни, атыттар 200-түү миэтирэни.


 Горнай улууһун баһылыга Никита Андреев: «Бу эстафетаҕа биһиэхэ улууска нэһилиэктэр икки ардыларынан үгэс быһыытынан куруук ыытыллар. Атын улуустар, нэһилиэктэр маны холобур оҥостуоххутун сөп диэхпин баҕарабын», — диэн эттэ. Амма, Үөһээ Бүлүү, Кэбээйи, Мэҥэ Хаҥалас, Сунтаар, Чурапчы, Дьокуускай, Горнай улуустарын, ХИФУ хамаандатын кус быһыйдара илин-кэлин түһүстүлэр.




 
   

  
 


  Эрийсиилэх киирсии түмүгэр Чурапчы хамаандата бастаан таҕыста. Кинилэртэн бэрт кыранан хаалан, Горнай хамаандата иккис уонна Дьокуускай куорат  хамаандата үһүс буолары ситистилэр. Кыайыылаах хамаанда тэрийээччилэртэн 500 тыһыынча солкуобайынан, иккис миэстэлээхтэр 300 тыһыынча солкуобайынан, үһүс миэстэлээхтэр 200 тыһыынча солкуобайынан наҕараадаланнылар.

Пресс-центр Игр Манчаары 

Поделиться:

Добавить комментарий

#Новости

Михаил Мамиашвили — о мини-турнире вольников в Сочи

«Ребята понимают — начало олимпийского цикла, и надо цепляться за каждую возможность».