Хатас хайыһарга Алданнааҕы спортоскуолатын филиалын тренерэ, Степан Степанович Контоев Алдаҥҥа хайыһар базата аһыллыаҕыттан хаста да кэлэ сырытта.

Станислав, Герман, Александр үс аан дойду чөмпүйүөннэрэ уолаттардаах дьоһун-мааны ыал тапталлаах аҕата, ытык эһэтэ, бу сырыыга Россия сүүмэрдэммит хамаандатын кытта даҕаспытынан уон биир оҕотун илдьэ кэлбит. Олимпиецтэр хайдах дьарыктаналларын көрөр сыаллаахтар-соруктаахтар. Степан Степановиһи 77 саастаах эрэ буолуо дии санаабаккын. Эдэрдии эрчимэ, үөрэ-көтө, сонунун улгумнук үллэстэрэ, спортивнай форматын тута сылдьара астыннарар. “Айылҕаҕа сылдьар – дьол!” диэн олоҕун былаһын тухары сөбүлээн туттар девизтээх. Манна күнүн-дьылын, маҥнайгы хаары сөбүлүүр. Алдаҥҥа бу тохсус кэлээһинэ эбит. Хас биирдии күн күндү, мүччү туппаттар. Күүскэ дьарыктаналлар.

a8f83041 4282 4bad afb5 2b104e6d4b34

Базаҕа баар гостиницаҕа үрдүттэн түһэ сытан, иҥэмтэлээх бэлэм аска эрчиллэллэр. Усулуобуйатын олус табыгастаах диэн хайгыыллар. Спортоскуола дириэктэрэ Максим Скупойдуун кэпсэтиитин табан, көҥүл ылан, босхо түһэллэр. Халгаева Сайаана, Лугинова Марина, бырааттыы Сандаар, Сайдам Поротовтар, Герасимов Артем, Иванова Наташа, Иванов Витя, бырааттыы-игирэ Павел, Василий Сивцевтэр бааллар. Игирэ хайыһардьыт уолаттар Аммаҕа өрөспүүбүлүкэ турнирын кыайаннар убаһанан наҕараадаламмыттара.

сивцевтэр 2

Россия хамаандатыттан улаханнык астыммыттар. Арыый эрдэ кэлэн күүстээх дьарыкка сылдьаллар. Өрөспүүбүлүкэ салалтатыгар, сүрдээх үчүгэй базаны туттарбыттарын иһин, төгүрүк сыл эргиччи эрчиллэр усулуобуйа үөскэтиллибитигэр, махталын биллэрэр. Хайыһарга уонна биатлоҥҥа Россия сүүмэрдэммит хамаандалара кэлэн эрчиллэллэрин улахан ситиһиинэн ааҕар. Аан дойду аатырбыт хайыһардьыттара “хамсаналларын-имсэнэллэрин көрөммүт биһи көрөн үөрэбит, үөрэнэбит, сөҕөбүт”,- диэн сыаналыыр. Оҕолор көрөн да үөрэнэллэр. “Сүүстэ истибиттээҕэр биирдэ көрбүт ордук!”,- диэн саха бэргэн өһүн хоһоонун ахтар. Сорох бастыҥ оҕолоро Яков Гаврильевич Поповка бу Алдан спортоскуолатыгар дьарыктаналлар. Кандидатка үлэлэһэллэр. Атын да оҕолорун каникулларыгар аҕалтыыр. Оҕолоругар көтүппэккэ лекция ааҕар, бэсиэдэ оҥорор. Өрдөөҥүттэн олохтоммут үгэс быһыытынан, саҥа күннэрэ сарсыардааҥҥы чэбдигирдэр сэрээккэттэн саҕаланар. Ыраата барбакка эттэххэ, сайыҥҥы үөрэтэр түмсүүлэргэ күн-дьыл туругуттан тутулуга суох таһырдьа сибиэһэй салгыҥҥа сэрээккэлииллэр. Пандемиянан сибээстээн уонна элбэх үлэни оҥороору, күҥҥэ иккилии дьарыгы оҥордулар. Улахан оҕолоро соруттарыыта суох куруук бэйэлэрэ дьарыктанар буолтара быданнаата. Степан Степанович кинилэргэ эрэнэр. Дьарыктыыр оҕолорун таптыыра оччо, ол иһин оҕолор тренердэрин тылыттан тахсыбаттар, истэллэр, тугу этэрин эҥкилэ суох толороллор. Кыһыҥҥы каникулга Приморьеҕа барар былааннаахтар, онуоха, төрөппүттэргэ эрэнэр, күүскэ үлэлэһэр. Хайыһардьыттар – удьуор үлэһиттэр! Кинилэргэ кыаллыбат диэн суох.

Баһылай Посельскай

Поделиться:

Добавить комментарий

#Новости

турник3

“SakhaLifting” ватсаап бөлөх үтүө холобурдара

Утумнаах дьарык, күннэтэ хамсана сылдьыы дьиҥ туһатын Дмитрий Петрович Захаров…
турник3

“SakhaLifting” ватсаап бөлөх үтүө холобурдара

Утумнаах дьарык, күннэтэ хамсана сылдьыы дьиҥ туһатын Дмитрий Петрович Захаров…