үбүлүөйдээх дьаһаллар сыл устата бараллар. Суолтата улахан. Өрөспүүбүлүкэ Бырабыыталыстыбатын Тэрийэр кэмитиэтэ үлэлиир. Дириҥ хорутуулаах дьаһаллар, күрэхтэһиилэр ыытыллаллар. Тохсунньу ыйыгар үтүө үгэскэ кубулутуллан сыллата ыытыллар Н.Н. Тарскай кэриэһигэр көҥүл тустууга Саха Өрөспүүбүлүкэтин чемпионатынан саҕаламмыта. Тустуу көбүөрэ уһулуччулаах салайааччы төрөөбүт-үөскээбит сиригэр-дойдутугар Бороҕоҥҥо саҥа тутуллан үлэҕэ киллэриллибит аарыма спортивнай комплекс саалатыгар тэлгэммитэ.
Саха Өрөспүүбүлүкэтин физическэй культураҕа уонна спорка миниистирин солбуйааччы Гаврил Мохначевскай Министиэристибэ иһинэн үлэлиир хамыыһыйа сүбэ мунньаҕын салайан ыытта. Н.Н. Тарскай төрөөбүт ыам ыйын 8 күнүгэр бэлиэтэнихтээх тэрээһиннэр тула кэпсэтиилэргэ физическэй культура уонна маассабай спорт Управление начальнига Р.И. Оконешников, спорт Музейын дириэктэрэ М.Е. Друзьянов, ветераннар Сэбиэттэрин бэрэссэдээтэлэ Г.Г. Сивцев, өрөспүүбүлүкэ спорду таптааччыларын Сойууһун бэрэссэдээтэлэ В.П. Ноговицын, футбол Оскуолатын дириэктэрэ Н.Г. Цыпандин, Уус-Алдан улууһун түмсүүтүттэн З.Е. Афанасьева, онлайн ситимин быһа видео-холбонуунан Уус-Алдан улууһун, Баатаҕай нэһилиэгин дьаһалталара кытыннылар.
Сүбэ-мунньахха араас хайысхаларынан бу күннэргэ бара турар тэрээһин үлэлэр тула кэпсэтиилэргэ, чопчу, ыам ыйын 8 күнүгэр ыытыллыахтаах дьаһалларга бэлэмнэниилэр хаамыылара дьүүллэһилиннилэр. Олор истэригэр, “Саха” НКИХ телевидениетын “Саҥа күн”, “Олох үөһүгэр” быһа биэриилэригэр кыттыы, сарсыардааҥҥы чэбдигирдэр сэрээккэ, Н.Н. Тарскай аатынан “Туймаада” стадионугар баар Н.Н. Тарскай памятнигар сибэкки дьөрбөтүн ууруу, Төгүрүк остуол тула кэскиллээх кэпсэтиилэр, күрэхтэһиилэр, Н.Н. Тарскайы кытта биир кэмҥэ үлэлэспит аҕам саастаах дьон, спорт ветераннарын ахтыылара, ыстатыйалар уо.д.а. дьаһаллар бааллар.
Буолуталыыр дьаһалларга өрөспүүбүлүкэ физическэй культураҕа уонна спорка эйгэтин үлэһиттэрэ, спортсменнар, көхтөөхтүк кыттыахтара.
Н.Н. Тарскай чаҕылхай аата-суола, оҥорбут сүдү дьыалата киэҥ билиигэ тиэрдиллэр, тарҕанар аналлаах.
Sportyakutia.ru
