Аһаҕас турнирга Дьокуускай куорат, Амма, Таатта, Ньурба уонна Уус Алдан улуустарыттан барыта 24 саахыматчыт бэйэлэрин күүстэрин холостулар.
Икки күннээх сындалҕаннаах күрэхтэһии кэнниттэн эр дьоҥҥо бастакы миэстэни Суоттуттан Семен Заровняев, иккис миэстэни эмиэ Суоттуттан Сергей Николаев, үһүс миэстэни Бороҕонтон Роман Петров ыллылар, көрбөттөр обществоларыттан бастакы миэстэни Бороҕонтон Дмитрий Аммосов, иккис миэстэни Дьокуускайтан Григорий Аммосов, үһүс миэстэни Амматтан Николай Алексеев ыллылар, дьахталларга бастакы миэстэни Бороҕонтон Екатерина Гуляева, иккис миэстэни Бороҕонтон Светлана Сивцева уонна үһүс миэстэни Чараҥтан Варвара Петрова ыллылар. Республика уонна Уус Алдан улууһун кырдьаҕас саахыматчытын Петр Кривошапкин 80 сааһыгар аналлаах саахымакка республика аһаҕас турнира улуустааҕы социальнай управление дьиэтигэр бэрт тэрээһиннээхтик, үрдүк күүрүүлээхтик барда.
Аркадий ОХЛОПКОВ
