Олохтоохтор өттүлэриттэн ис-тас үлэөэ субуотунньуктар хотуулаахтык ыытыллан, үлэ хаамыыта түргэтээтэ. Саҥа спорт саалата үлэҕэ киириитигэр Арбын нэһилиэгин 3 киэн туттар спортсменнарын, көҥүл тустууга ССРС спордун маастардарын Савва Колесов, Иннокентий Бугаев, Василий Бугаев хаартыскалаах өйдөбүнньүк плакаттара оҕолорго, эдэр ыччакка бастыҥ холобур оҥостоллоругар анаан оҥоһулунна. Кэлэр да өттүгэр бу тутуу нэһилиэк спортивнай өрөгөй былааҕын өрө тутан илдьэ сылдьарыгар тирэх буолуо.
Спорт саалата киин сиртэн ититиилээх, кэлэр үөрэх дьылыгар толору хааччыллыыта оҥоһуллан, тренер, борцовскай хостор, снаряд кабинета тутуллан ситэриллиэ. Өр сылларга ыра санаа буола сылдьыбыт тутуу түргэнник олоххо киирбитэ спорт сайдыытыгар олук ууруо.
Эдэр баһылык Николай Соловьев дьону көҕүлээн, нэһилиэк эр дьоно, ыччата биир санаанан салайтаран, тэтимнээхтик уонна түмсүүлээхтик үлэлээтилэр.
Источник: www.nvk-online.ru