Бүлүүттэн хабылык-хаамыска уонна хапсаҕай маастардара Андрей Захаров икки көрүҥҥэ иккиэннэригэр 75 киилэ ыйааһыннаахтарга бастаталаан, ону таһынан хабылык-хаамыска үс көрүҥнэригэр тохтоло суох утуу-субуу оонньотолоон 3 мүн 32 сөк бүтэрэн рекорд олохтоон Олоҥхо оонньууларын өссө эмиэ биир геройунан буолла!
75 кг үөһэ саамай ыарахан ыйааһыннаахтарга Ытык Таатта киэн туттуута Александр Халыев утарсааччыларын барыларын кыраһыабай быраҕыыларынан сири-буору буллартаан Аан-Дархан аатын ылыан ылла! Өлүөхүмэ бөҕөһө Антон Голомарев иккис миэстэҕэ тиксэн биир дойдулаахтарын үөртэ.
Ити курдук бастыҥнар кылбар сиэдэрэй хамсаныыларынан өтөрүнэн умнуллубат түгэннэри хааллардылар.
Баһылай Посельскай,
Бэс ыйын 26 күнэ, 2021 сыл
Олоҥхо ыһыаҕа, Аанньаах хочото.
