Манна барыта 22 хамаанда: Дьокуускайтан кыргыттар, Үөһээ Бүлүү Кырыкыйыттан эр дьон уонна кыргыттар, Горнай улууһуттан Орто Суурт кыргыттара, Маҥарас уонна Бэс Күөлүн эр дьон, Бүлүү улууһуттан уон хамаанда – Бүлүү куоратыттан эр дьон уонна кыргыттар, Хампаттан уонна Кыһыл Сыыртан эр дьон, Тыымпыттан уонна Бороҕонтон бэтэрээннэр, эр дьон уонна кыргыттар; Кэбээйи улууһуттан алта хамаанда – Мастаахтан бэтэрээннэр уонна эр дьон, Мукучуттан эр дьон, кыргыттар икки хамаандалара уонна бэтэрээннэр, уопсайынан 184 спортсмен икки күннээх күүрүүлээх киирсиигэ кытынна.
Бастакы күҥҥэ күрэхтэһии үөрүүлээх аһыллыытыгар хамаандалар парааттара, Мукучу нэһилиэгин бэтэрээн волейболистарын чиэстээһин буолла. Алгыс тыллары нэһилиэк баһылыга Анна Ивановна Сысоева, “Дуоҕа Боотур” общественнай тэрилтэ салайааччыта Николай Олегович Павлов уонна күрэхтэһии кылаабынай судьуйата, бастакы республикатааҕы категориялаах судьуйа, “СахаВА” бочуоттаах маастара Афанасий Эдуардович Кузьмин эттилэр. Сүүмэрдиир тыҥааһыннаах киирсиилэр икки сааланан ыытылыннылар. Кыргыттар гимназия саалатыгар, эр дьон ДЮСШ саалатыгар күрэхтэстилэр.
Бастакы күн түмүктэниитигэр“Дайан” нэһилиэк сынньалаҥын киинигэр саха эстрадатын сулустара Святослав Эверстов , Егор Степанов уонна Мукучубут талааннаах ырыаһыттара кыттыылаах кэнсиэр буолла, ол кэннэ уоттаах-күөстээх дискотека ыытылынна.
Иккис күҥҥэ эбиэттэн киэһэ финальнай киирсиилэр быыстарыгар, киирии билиэтинэн сыаналаах бириис оонньонно. Булуу улууһун Тыымпытыттан кыттааччы саа сертификатын сүүйэн, үөрүүтэ үксээтэ.
Икки күннээх тыҥааһыннаах киирсии түмүгэ маннык буолла:
Кыргыттарга:
1. Бүлүү куорат
2. Мукучу (Кэбээйи улууһа)
3. Дьокуускай
Бэтэрээннэргэ:
1. Мукучу(Кэбээйи улууһа)
2. Бороҕон (Бүлүү улууһа)
3. Бүлүү куорат
Эр дьоҥҥо:
1. Бүлүү куората
2. Мукучу (Кэбээйи улууһа)
3.Бэс Күөлэ (Горнай улууһа)
Күрэхтэһии кэмигэр бэйэлэрин чаҕылхайдык көрдөрбүт спортсменнарга анал номинациялар туттарыныллылар. Кыайыылаахтар сыаналаах бириистэринэн наҕарааданаланнылар.
Кэлбит ыалдьыттар, кыттааччылар уонна тэрийээччилэр – бука бары буолан ааспыт спорт бырааһынньыгыттан астынан, дуоһуйан тарҕастылар.
Тэрийээччи “Дуоҕа Боотур” түмсүү барҕа махталын тиэрдэр:
- тэрээһиҥҥэ быһаччы көмөтүн иһин баһылык Анна Ивановнаҕа;
- оскуола директорыгар Евгений Петровичка ыалдьыттары хоннорон сынньаппытыгар, спортсменнары аһаппытыгар;
- ыалдьыт спортсменнары бэйэлэригэр түһэрбит нэһилиэк ыалларыгар, сылаас чэйинэн күндүлээн, хонноро сыппыт бар дьоммутугарҥ
- арочнай саалаҕа күрэхтэһиини ыытарга көҥүллээбит салайааччы Михаил Васильевич Ивановка;
- гимназия директорыгар Саввинова Мотрена Ивановнаҕа;
- кулууп дириэктэригэр Каролина Борисовнаҕа уонна Сынньалаҥ киинин үлэһиттэригэр күрэхтэһии үөрүүлээх арыллыытын үрдүк таһымнаахтык тэрийсибиккэр, тус бэйэҥ көмөҕөр, кэнсиэргэ, үҥкүүгэ дуоһуйа сынньаммыт ыалдьыттар барҕа махталларын тиэрдэбит;
- Алексей Гоголевка, Геннадий Николаевка түүннэри элбэх киһини көрсүбүккүт, ыалдьыттаппыкытын, уопсай бэрээдэги көрө сылдьыбыккытыгар, тэрээһиҥҥэ күүстээх өйөбүлгүт иһин;
- Захаров Эдуардка, Корякин Сэргэйгэ – “Хайа да нэһилиэккэ маннык эрчимнээх, көхтөөх комментатордары истэ иликпит” диэн астыммыт спортсменнартан;
- күрэхтэһиини музыканан киэргэппит, таһымҥа таһаарбыт зукооператор Петр Ивановка. Бырааппыт баар буолан турнирбыт тэлэбииһэргэ көстөр омук күрэхтэһиитин курдук буолла, Петя бэйэтэ тылланан кэлэ сырытта;
- бэтэрээннэри чиэстииргэ анаан “Дуоҕа Боотур” үрүҥ көмүс бэлиэтин оҥорон бэлэхтээбит Антон Николаевич Васильевка;
- үөрүүлээх арыллыыга кыттыбыт, тэрээһини сэргэхсиппит Мукучу бука бары түмсүүлэригэр;
- минньигэс амтаннаах аһынан ыалдьыттары маанылаабыт атыыһыттарга;
- ырыаһыттарбытыгар Егор Степановка, Святослав Эверстовка;
- тэриллиибитигэр куруук көмө буолар убайбыт Егор Андросовка.
Ханнык баҕарар спорт күрэҕэ биһирээччилээх, көрөөччүлээх буоллаҕына көхтөөх буолар. Хайа баҕарар спортсмен көрөөччү сэҥээриитигэр наадыйар. Ону барытын толорбут Мукучубут дьонугар Барҕа Махтал!
Ону таһынан “Дуоҕа Боотур” общественнай тэрилтэ туох баар бары чилиэттэригэр, Саха сирин араас муннуктарыгар олорор уолаттарбытыгар күүс-көмө буолбуккутугар Барҕа Махтал буоллун!
Үтүө сыһыаҥҥыт сүүс төгүл эбиллэн бэйэҕитигэр эргилиннин, бар дьоммут!
Дойдубут эр дьонун түмсүүбүтүнэн үлэбитигэр инники былааммыт элбэх, көхтөөх общественнай үлэнэн дойдубут, норуоппут сайдарыгар төһүү күүс буолуохпут диэн эрэлбит улахан.
Александр Кычкин,
“Дуоҕа Боотур” түмсүү уолаттара.
Хаартыскаҕа: Мукучу баһылыга Анна Ивановна Сысоева уонна общественнай тэрилтэ салайааччылара Николай Павлов уонна Александр Кычкин.
