Күрэххэ барыта 12 улуустан спортсменнар кыттыыны ылла.

Муус устар ый 6-9 күннэригэр Октябрьскай нэһилиэк А.И. Пахомов аатынан спорт саалатыгар Сэбиэскэй Сойуус Геройа Н.Н.Чусовской аатынан 2007-2008 с.т уолаттарга уонна эр дьоҥҥо республикатааҕы боксаҕа турнир  ыытылынна.

Күрэххэ барыта 12 улуустан спортсменнар кыттыыны ылла.

Күрэх түмүктүүр чааһыгар кыттыыны ыллылар: киэҥ туттар биир дойдулаахпыт, бокса көрүҥэр республикабытыгар бастыҥ чыпчаалы дабайбыт, СӨ Ил Дарханын сүбэһитэ Г.Р. Балакшин, СӨ боксаҕа сүүмэрдэммит хамаандатын сүрүннүүр тренерэ, биир дойдулаахпыт В.И. Павлов, улуустааҕы физическэй култуура уонна спорт управлениетын салайааччыта Р.А. Алексеев, "Октябрьскай нэһилиэк" МТ баһылыга С.А. Корякин, "Ньурба куорат» МТ баһылыга Г.В. Игнатьев, Ньурба улууһун бокса федерациятын салайааччыта С.В. Никифоров, республикатааҕы бокса5а олимпийскай эрэллэр спортивнай оскуола директорын солбуйааччыта А.А. Тарасов, Ньурба улууһун тыа хаһаайыстыбатын департаменын салайааччыта Л.В. Ушканов, Ньурбатааҕы оҕо спорт оскуолатын директора А.В. Иннокентьев.

 "Турнир бастыҥ боксера" анал аат хаһаайынынан Ян Алексеев ааттанан «Ньурба куорат» МТ баһылыга Г.В. Игнатьев туруорбут телевизор бирииһинэн наҕараадаланна.

Маны тэҥэ улуустааҕы физическэй култуура уонна спорт управлениетын салайааччыта Р.А. Алексеев, «Октябрьскай нэһилиэк" МТ баһылыга С.А. Корякин, СӨ физическэй култуура уонна маассабай спорт управлениета, республикатааҕы бокса5а олимпийскай эрэллэр спортивнай оскуола аатыттан А.А. Тарасов, Ньурба улууһун бокса федерациятын салайааччыта С.В. Никифоров, ИП Федорова А.А., ИП Семенов С.Н., спорт бэтэрээнэ С.С. Иванов ааттарыттан анал бириистэрин туттартаатылар.

СӨ үөрэҕэриитин Үтүөлээх үлэһитэ, СӨ Учууталлар учууталлара, СӨ үөрэҕэриитин 

Бочуоттаах бэтэрээнэ, Ньурба оройуонун Бочуоттаах олохтооҕо Семен Акимович Потапов анал аат номинациятын Сэбиэскэй Сойуус Геройа Н.Н.Чусовской аатынан 2007-2008 с.т уолаттарга призерыгар, эдэр кэскиллээх боксерга Виктор Плотниковка 10 000 солк уу харчынан анал бириис туттардылар.

Ньурбабыт улууһун тыа хаһаайыстыбатын эйгэтигэр үлэлиир-хамсыыр, бааһынай хаһаайыстыба салайааччыта, Ньурба куорат олохтооҕо Л.В. Зедгенидзев бокса5а олимпийскай эрэллэр спортивнай оскуолатыгар «Эдэр боксердарга» диэн анал ааттаах тарбыйах сертификатын туттарда.

Бу курдук, Ньурба дьоно-сэргэтэ тумус туттар, Сэбиэскэй Сойуус Геройа Николай Чусовской аатын үйэтитиигэ ыытыллар республикатаа5ы боксаҕа турнир үрдүк таһымҥа түмүктэннэ. Кыттааччыларга инникитин өссө да үрдүк ситиһиилэри, үрдүк чыпчааллары, кыайыыны хотууну!

Улуустааҕы физическэй култуура уонна спорт управлениета

Поделиться:

#Новости

32 медицинских пункта будут работать во время Игр «Дети Азии» в Якутске

Медики Якутии готовы к медицинскому сопровождению МСИ «Дети Азии» в Якутске.

Ветераны СВО Якутии вылетели на «Кубок Защитников Отечества»

Сборная команда ветеранов СВО Якутии вылетела на Межрегиональное комплексное…