IMG 0525

Улахан Аан нэһилиэгэ спорт бары көрүҥнэрин сүрдээҕин интэриэһиргээн көрөр, көхтөөх ыалдьааччылардаах, улууска биир бастыҥ спортсменнардаах нэһилиэгинэн биллэр

Манна ыытыллар улуустааҕы, республикатааҕы күрэхтэһиилэргэ нэһилиэнньэ бүттүүнэ ох курдук оҥостон, ыраахтан кэлэр ыалдьыттары маанылаан көрсөр.

Ол курдук кулун тутар 24-26 күннэригэр СР үтүөлээх бырааһа, бокса бэтэрээнэ Семен Иванович Трофимов аатынан оҕолорго боксаҕа республикатааҕы турнир үрдүк тэрээһиннээхтик ыытылынна.

Хас ыйааһын аайы чемпион буолар туһугар тыҥааһыннаах киирсиилэри көрдүбүт. Кыайыы өрөгөйө, кыайтарыы хомолтото, уолаттар харахтарын ууларын кыана туттубат да түгэннэрэ баара. Ол аата күрэхтэһиигэ кыттыы уол оҕо санаатын бөҕөргөтөр, үгүс кыайтарыы кэннэ хайаан да кыайыы кэлиэхтээҕэр эрэли саҕар диэн өйдүүбүт. Дьокуускайдааҕы оҕо спортивнай оскуолаларын иитиллээччилэрэ Коля Гусляков (34 кг), Кирсан Малышев (36 кг), Антон Голиков (40 кг), Денис Стахович (46 кг) кыайыы өрөгөйүн биллилэр.

IMG 0522

Нөмүгүттэн Дьулус Степанов (52 кг), 1-Дьөппөнтөн Витя Егоров (36 кг), Алгыстан Обоев (38 кг), Боря Ковбаса (46 кг), Мохсоҕоллоохтон Вадим Дербин (30 кг), Покровскайтан Коля Пшенников (40 кг) уонна Саша Ли-Шень-Юн (57 кг) биһиги улууспут аатын ааттаттыллар.

Уус Алдантан Тимур Стручков (32 кг), Мэҥэ Хаҥаластан Айаал Скрябин (44,5 кг) уонна Эрик Китаев (34 кг), Чурапчыттан Миша Пермяков (44,5 кг), Өлүөхүмэттэн Матвей Распорин (52 кг) бэйэлэрин ыйааһыннарыгар тэҥнээхтэрин булбатылар.

Ол эрээри олохтоох дьон бэйэбит уолаттарбыт киирсиилэрин ордук интэриэһиргээн көрдүбүт. Бөртө сириттэн чемпион аатын ылбыт уолаттарбыт Андрей Егоров (28 кг), Стас Иринеев (41,5 кг), Влад Пудов (43 кг), Петя Кириллин (50 кг), Толя Осипов (54 кг), Стас Иванов (70 кг) уонна Эрхан Васильев (70 кг үөһээ) биир дойдулаахтарын сүргэлэрин көтөхтүлэр.

Турнир бастыҥ боксердарынан бэйэлэрин саастарыгар Улахан Аантан Андрей Егоров, Покровскайтан Коля Пшенников, 1-Дьөппөнтөн Боря Ковбаса буоллулар. Бастыҥ техникалаах боксерунан Улахан Аантан Петя Кириллин ааттанна. Кини быйыл боксаҕа Уһук Илин чемпиона буолан, дойду тэбэр сүрэҕэр Москва куоракка Сахабыт сирин аатыттан дьоһуннук кыттыа диэн эрэнэбит.

IMG 0524

Кыайыылаахтарга уонна призердарга мэтээли, грамотаны сэргэ ураты көстүүлээх статуэтканы - рингэҕэ киирсэргэ бэлэмнэнэн турар саха уолун туттардылар.

Бу күрэхтэһиигэ көмө буолбут спонсордарга, ол курдук "Ректайм" хампаанньаҕа, Хаҥалас улууһун боксаҕа федерациятыгар (бэрэсс. Алексеев Г.Ю.), депутат Семенов Д.М., СР Оҕо спортивнай оскуолатыгар (Куприянов М.А.), Трофимовтар дьиэ кэргэттэригэр, Хаҥалас улууһун киин балыыһатыгар, нэһилиэк тэрилтэлэригэр уонна предпринимателлэригэр, итиэннэ өрүү күүс-көмө, өйөбүл буолар төрөппүттэргэ, спорду сэҥээрээччилэргэ СР үтүөлээх тренерэ, сүрүн тэрийээччи Виктор Пудов истиҥ махталын биллэрэр. Инникитин да өйүү турдуннар.

Надежда ГРОМОВА

Поделиться:

#Новости

Инсайдерская информация о гран-при Формулы 1

Гран-при Формулы 1 - это уникальное событие, которое привлекает внимание миллионов…

Встреча сердец: волонтеров VIII Игр «Дети Азии» поприветствовали в Якутске

Всего к участию в Играх привлечены около 1900 волонтеров, из них порядка 200 — гости из…