Уонча күн бука бары “Азия оҕолорун” Оонньууларынан олордубут

Элэс гынан, ньиргийэн ааһа оҕустулар. Өйгө-санааҕа үтүө, чаҕылхай түгэннэр иҥэн хааллылар. Биһи үрдүк үөрүүбүтүгэр, Сахабыт сирин оҕолоро түһэн биэрбэтилэр. Мөлүйөнүнэн нэһилиэнньэлээх Азия улахан дойдуларын, Россия бөдөҥ  регионнарын, кичэллээх бэлэмнээх  хамаандаларын кытта эрбии тииһинии тэҥҥэ эрийсэн күрэхтэстилэр.

med 22

35 мөл. нэһилиэнньэлээх Узбекистан хамаандата бастаата, 16 мөл. киһилээх Сибиир хамаандата иккис, 10 мөл. Белорусь үһүс үчүгэй көрдөрүүлэннилэр, 1 мөл нэһилиэнньэлээх Сахабыт сирэ Москва, Урал, Казахстан курдук күүстээх хамаандалары кэннилэригэр хааллартаан, төрдүс үчүгэй көрдөрүүлэннэ.  Бастакы хамаандабыт 18 спорт көрүҥнэригэр араас солотуулаах мэтээллэри ылаттаатылар.  спортсмен оҕолорбутунан, спорт куттаах Сахабыт сиринэн  киэн туттабыт!

 med 3 3

Оонньуулар бастакы күннэригэр маҥнайгы кыһыл көмүс мэтээли тхэквондоҕа (сүрүн тр. Яков Гаврильев) Виктория Татаринцева, боруонса мэтээллэри Дьокуускай спортоскуолатыгар эрчиллэр Наталья Лазарева, Максим Габрышев (сүрүн тренер Яков Гаврильев). Самбоҕа  Алдан спортоскуолатыттан Иван Лапушкин үрүҥ көмүс, Анастасия Шевченко, Дьокуускай куорат единоборство киинин иитиллээччилэрэ Сахаайа Корякина, Дарья Шарапова, боруонса мэтээллэри боруонсаны аҕалтаабыттара. Күрэхтэһиилэр таблицаларын Саха сирин 1-кы хамаандата XII-ис, 2-с хамаандабыт XI-ис  көрдөрүүлэрдээх саҕалаабыппыт.

med 6 6

Москваҕа олимпийскай эрэл училищетыгар үөрэнэр Чурапчы Хатылытыттан Изот Кривошапкин остуол тенниһигэр (сүрүн тр. Аркадий Иванов), төһө да Москва чиэһин көмүскээтэр, Павел Романовскайдыын иккиэ буолан пааранан киирсиигэ кыһыл көмүс мэтээли аҕалбытыттан үөрэбит.

med 10 10

Н.Н. Тарскай аатынан “Туймаада” стадионугар чэпчэки атлетикаҕа ыалдьыттарбыт кыахтаахтара, күүскэ бэлэмнэммиттэрэ харааныттан биллибитэ. Саха сирин быһыйдарын хамаандатыттан (сүрүн тр. Татьяна Ариносова) үстэ төхтөрүйэн ойууга Тааттаттан Альберт Винокуров 13 м 98 см түстэ уонна кыһыл көмүс мэтээл хаһаайынынан буолары ситистэ! 400 м м/с Владислав Данилов үрүҥ көмүс мэтээллэннэ.

med 9 9

Сахалыы атах оонньуутугар Майа спортоскуолатын иитиллээччитэ Максим Семенов кылыыга 41 м 40 см, куобахха 33 м 27 см түһүтэлээн уонна үс көрүҥ түмүгүнэн 114 м 53 см көрдөрүүлээх абсолютнай чөмпүйүөн үрдүк аатын сүктэ, кыһыл көмүс мэтээллэри ылаттаата, Оонньуулар рекортарын олохтоото! Марк Никитин, Арылхан Андреев, Дарья Громова уонна Маргарита Тукмакова үрүҥ көмүс, боруонса мэтээллэри ылаттаатылар (сүрүн тренер Тимофей Слепцов).

med 8 8

“Модун” спорткомплекска художественнай гимнастикаҕа (тр. Виолетта Никифорова) “Азия оҕолорун” историятыгар аан-бастакы ситиһиилэннилэр. Бөлөҕүнэн күрэхтэһиигэ гимнастка кыргыттарбыт обруч көрүҥэр элбэх баалы ыланнар кыһыл көмүс мэтээллэринэн наҕараадаланнылар. Булаваҕа боруонса мэтээллэри ылаттаатылар.

med 14 14

“Триумф” сопрткомплекска Кыргызстан Алыш тустуутун көрүҥэр  Дьокуускайтан Данил Пинигин, Александра Филиппова, Нерюнгри Иенгратыттан Милена Гаврилова  үрүҥ көмүс мэтээллэри ылаттаатылар. Анастасия Филиппова финалга Кыргызстан кыыһын хотон бу көрүҥҥэ хамаандатыгар соҕотох кыһыл көмүһү аҕалла (сүрүн тр. Михаил Явловскай).

“Эллэй Боотур” Муус Дыбарыаһыгар узбектар Кураш тустууларыгар Узбекистан хамаандата бэйэтин национальнай тустуутугар күннээтэ. Биһи оҕолорбут түөрт мэтээллэннилэр – Карина Сикалева кыһыл көмүс, Евгения Чесебиева, Георгий Чивадзе үрүҥ көмүс, Вероника Нестерева боруонса мэтээллэннилэр (сүрүн тр. Шагдар Гансух).

med 26 26

Оҕо айар дьоҕурун Дыбарыаһыгар Альберт Постников Го остуол оонньуутугар үһүс миэстэлэннэ (тр. Дмитрий Корнев).

med 24 24

“Дохсун” спорткомплекска Дзюдоҕа икки боруонса мэтээллэри 52 кг Лейла Неупокоева уонна Евгения Чезебиева аҕаллылар (сүрүн тр. Илья Громов).

med 4 4

Мас тадыһыытыгар 13 хамаандалар помоска тахсан утарыта көрсүспүттэригэр, биэс ыйааһынтан түөрдүгэр Саха сирин спортсмен-оҕолоро 50 кг Тимир Луковцев, 60 кг Александр Захаров, 80 кг Роман Тарабукин, 80 кг үөһэ Харысхан Габышев  түөрт кыһыл көмүс мэтээллэри ылаттаатылар (сүрүн тр. Дмитрий Саввин).

med 11 11

Саха Национальнай Гимназиятыгар пневматическай бинтиэпкэнэн ытыыга (сүрүн тр.Александр Сотников) кыһыл көмүс мэтээллэри Валерия Винокурова уонна Николай Яковлев ылаттааннар, сахалар ытыыга чахчы дьоҕурдаахпытын итэҕэттилэр.

med 12 12

“Сулус” споркомплекска буолан ааспыт кикбоксиҥҥа биһи уолаттарбыт рингэҕэ бастакы миэстэни былдьаһар финалга Урал уонна Сибиир уолаттарын кытта күөн көрүстүлэр. Атахтарынан тэбиилэрдээх, илиинэн охсуулардаах  кытаанах киирсиилэригэр, кыһыл көмүс мэтээллэри 45 кг Аман Иванов, 51 кг Ярослав Габышев, 54 кг Айаал Поскачин, 63 кг Николай Слепцов ылары ситистилэр. Үс үрүҥ көмүс, икки боруонса  мэтээллэр эбиллэннэр, үөрүүбүтүн үрдэттилэр (сүрүн тр. Уйусхан Барашков).

med 28

“Кыайыы 50 сыла” спорт Дыбарыаһыгар мини-футболга “Саха” хамаандата  барыллааһын оонньууларга утарсааччыларын хотуталаан, финалга Тюменьтэн “Урал” хамаандатын утары оонньоотулар уонна тэҥ, кыраһыабай оонньууга 2:3 баһыйтардылар, үрүҥ көмүс мэтээллэр хаһаайыттарынан буоллулар. Грач Гаспарян “Бастыҥ кимээччи”, Глеб Зырянов “Бастыҥ бомбардир” анал ааттар бириистэрин ылаттаатылар (тр.Олег Марченко).

med 17 17

“Бэргэн” саанан ытыы комплексыгар стиэндэбэй ытыыга  “тииҥи харахха табар” кыраҕы харахтаах, кытаанах тарбахтаах буойун-снайпердардаахпытынан биллэр Сахабыт сирин оҕолоро түһэн биэрбэтилэр. Икки хамаандаларбыт ытааччы оҕолоро бэркэ күрэхтэстилэр. “Трап” уонна “Скит” диэн упражнениеларга аҕыс мэтээллэри ылаттаатылар, олор истэригэр, Арылхан Петров, Данил Копылов, Айна Кириллина үс кыһыл көмүс, икки үрүҥ көмүс уонна боруонса мэтээллэринэн наҕараадаланнылар. Уоллаах кыыс буккаас паараларыгар “Трапка” Саян Константинов Амилия Седельниковалыын үрүҥ көмүс, Арылхан Петров Галина Петровалыын боруонса; “Скиткэ” Данил Копылов Айна Кириллиналыын үрүҥ көмүс, иккис хамаандаттан Айсен Петров Святослава Владимировалыын боруонса мэтээллэри ылаттаатылар (сүрүн тр. Аркадий Андреев).

med 30 30

“Юность” стадиоҥҥа оҕунан ытыыга буккаас паарҕа Кристина Дрозд Владимир Кимниин финалга Сибиир охчут оҕолорун 6:2 кыайаннар, кыһыл көмүс мэтээллэри ыллылар. Кристина Дрозд, Айыына Васильева уонна Светлана Колодезникова хамаанданан ытыыга боруонса мэтээллэннилэр (сүрүн тр. Надежда Спиридонова).

med 18 18

“Дохсун” споркомплекска боксаҕа Узбекистан уолаттара сэттэлии кыһыл уонна үрүҥ көмүс, икки боруонса мэтээллэри ылаттаатылар.Уус-Алдантан Айсен Григорьев Казахстан боксерун Темирхан Жолмаханы кытта киирсиитигэр бүтэһик рауҥҥа көхтөөхтүк үлэлээн хамаандаҕа күүтүүлээх соҕотох кыһыл көмүһү аҕалла! Вилена Моркан үрүҥ көмүс,  Виктор Захаров, Артур Севергин, Данил Софронов боруонса мэтээллэннилэр (сүрүн тр. Василий Лисица).

med 23 23 23

Көҥүл тустууга (сүрүн тр. Кузьма Сивцев) бастакы хамаандаттан 44 кг Намтан ДЮСШ-3 иитиллээччитэ Арыйаан Винокуров (тр.Н.Г. Яковлев, В.А. Кривошапкин), Эдьигээнтэн Никифор Семенов кыһыл көмүс, Власий Афанасьев, Саян Федоров үрүҥ көмүс, Пантелеймон Софронеев боруонса мэтээллэри ылаттаатылар.

med 19 19

Хапсаҕайга 50 кг Сандал Алексеев, 55 кг Олег Кононов кыһыл көмүс, 62 кг Эйнар Сивцев үрүҥ көмүс, 50 кг Ильдар Птицын, 62 кг Айхаан Кривошапкин боруонса мэтээллэннилэр.

med 29 29

“Чолбон” бассейҥҥа харбааһыҥҥа 100 м Юлиана Николаева уонна Бакулина Елизавета үрүҥ көмүс мэтээллэри аҕаллылар.

med 20 20

Оонньуулар үөрүүлээхтик сабыллыыларын үгэнигэр, Россия Бырабыыталыстыбатын бэрэссэдээтэлин солбуйааччы Дмитрий Чернышенко, “Азия оҕолорун” Оонньууларын Норуоттар икки ардыларынааҕы Кэмитиэтин Президенэ Владимир Максимов  Саха сирин бары олохтоохторун, ыалдьыттары эҕэрдэлээтилэр. “Азия оҕолорун оонньууларын программатыгар киллэриллибит спорт 24 көрүҥнэригэр барытыгар кыттаннар, Саха сирин бастакы хамаандатын оҕолоро 25 көрүҥнэргэ бастааннар, төрдүс миэстэлэммиттэринэн, Саха Өрөспүүбүлүкэтин Аҕа Баһылыга Айсен Николаев сүүмэрдэммит хамаандаҕа бэйэтин итии-истиҥ эҕэрдэтин уонна махталын тиэртэ.

Спортсмен оҕолорбутугар уонна тренердэргэ чиэс, хайҕал, албан аат!

Баһылай Посельскай

Поделиться: