Сандал саас ылааҥы күннэрин уруйдуу Үөһээ Бүлүүтээҕи Харбалаах "Чуораанчык" уһуйаанын улахан бөлөх оҕолоро "Сааскы көрдөр" диэн оонньууга дуоһуйа күрэхтэһэн үөрдүлэр-көттүлэр.
"Күнчээн", "Таммахчаан" хамаандаҕа арахсан, кырачааннар бастатан туран хайыһары ким түргэнник кэтэрин быһаардылар. Онтон көрдөөх эстафетаҕа куоталастылар.
Сыырга ыттыыга-түһүүгэ ким саамай түргэнин биллилэр, шариктардыын сырса оонньоотулар.
Хас биирдии оҕо хамаандата кыайарын туһугар сыратын-сылбатын ууран, кыһаллан туран күрэхтэстэ. Оонньуу-күрэх хамаандалар уот харахха тэбис тэҥ очколанан, доҕордоһуунан түмүктэннэ.
Сырдык чэбдик салгын үгүс үөрүүнү аҕаллын, сааскы сайаҕас санаа инникигэ кынаттаатын! Чэбдик-чэгиэн буолуохха!
Акулина ИВАНОВА,
"Чуораанчык" уһуйаан иитээччитэ, Харбалаах, Үөһээ Бүлүү