Бүгүн, тохсунньу 21 күнүгэр А.Е.Кулаковскай - Өксөкүлээх Өлөксөй аатынан Дьохсоҕон орто оскуолатыгар көҥүл тустууну сайыннарар сыалтан улуус спортивнай оскуолатын иһинэн интернат филиалын аһыллыыта буолла.
Үөрүүлээх аһыллыыга улуус баһылыга Михаил Соров, Дьохсоҕон нэһилиэгин баһылыга Петр Захаров, Үөрэх салаатын начаалынньыга Владимир Кривошапкин, көҥүл тустууга спорт маастара, бэтэрээн учуутал Семен Ючюгяев, СӨ тустууга сборнай хамаандатын түмэр, салайар киин дириэктэрин солбуйааччыта, биир дойдулаахпыт Владимир Карпенко аалай кыһыл лиэнтэни быстылар.
Кэлбит ыалдьыттар улууска, нэһилиэктэргэ көҥүл тустуу сайдарыгар тус санааларын, эҕэрдэлэрин эттилэр. Оҕолорго туһаайан бэрээдэги, үөрэххэ кыһамньыны баҕардылар.
Оскуола интернат 15 миэстэлээх, оҕолору СӨ хапсаҕайга спорт маастара, көҥүл тустуу тренерэ Егор Малышев дьарыктыыр. Оҕолорбут өссө элбэх ситиһиилэри аҕалыахтара диэн эрэнэбит.
Дьохсоҕон орто оскуолата, олохтоохторо интернаты туппут бэдэрээччиккэ А.И.Ермолаевка махталларын биллэрэллэр.
Улус Медиа
Дьохсоҕон нэһилиэгэр успуорт интернат аһылынна
Уол оҕону көҥүл тустууга уһуйар сыалтан улууска элбэх үлэ ыытыллар
Поделиться:
