2821

Үөһээ Бүлүү улууһа былыр-былыргыттан  кус  быһый,  ат  бөҕө,  туруору  күүстээх  дьоннорунан  аар-саарга  аатырар

Сэрии  иннигэр  Никита  Докторов-Бычырдаан,   Баһылай Степанов-Буучугурас,  Мордьоно  курдук   бөҕөстөр  суон  сурахтаммыттара, албан  ааттаммыттара.  Кинилэр  Үөһээ Бүлүүнү Саха   сиригэр   хапса5ай   уйата   диэн  ааттыылларыгар  олук   уурбуттара. Кэнники  кэмнэргэ  убайдара  Буучугурас  суолун  солоон   Егор   Прокопьев, Владимир Семенов, Валерий Иванов, Платон Саввинов хапсаҕайга Саха сирин абсолютнай    чемпионнарынан, Николай Корякин Манчаары  Баһылай   Спартакиадатын    Аар Дархана,    Владимир Быкалыров    уонна   Увар   Тимофеев   Саха сирин   1№дээх   Чулуу    хапсайдьыттарынан     буолуталаабыттара.   Биһиги   улуустан    хапсаҕай   102 спордун    маастара    иитиллэн   тахсыбыта.

2015  сыл Үөһээ Бүлүүлэр хапсаҕайбытыгар   ситииһиилээх   өтөрүнэн    хатыламмат   сыл   ааста.  Саха  сирин  биэс   саамай    улахан,   муҥутуур     күрэхтэһиитигэр    барытыгар    хамаанданан  уонна абсолютнайга     кыайа-хото     тутаталаан,     хапсаҕай    үрдүкү     чыпчаалыгар    дабайан,   кыайыылааҕынан      таҕыстыбыт   уонна     Үөһээ Бүлүү    хапсаҕай   төрөөбүт   дойдута  буоларын,       өссө   төгүл  атын  улуустан  биир  төбөнөн  үөһэ   турарын    дакаастаата.

Бастакынан:  Кулун   тутар   ый   21, 22   күннэригэр   Петр   Еремеевич  Алексеев кэриэһигэр  XIX   төгүлүн    ыытыллар    биирдиилээн   уонна   хамаанданан   Саха    Республикатын чемпионата. Бу  күрэхтэһии     Үөһээ Бүлүү     Хоротугар     ыытыллыбыта,  онно  19 улуустан   174   хапсаҕайдьыт күөн  көрсүбүтэ.  Эр   дьоҥҥо  биир  ийэттэн,  а5аттан  төрөөбүт    Кырыкыйтан   бырааттыы    Степан    уонна   Стас   Степановтар   55кг, 80кг  иккис,  70кг   Боотулуу  оскуолатын  дириэктэрэ      Рустам Прокопьев үһүс,  ыарахан    ыйааһыҥҥа   Увар Тимофеев    пьедестал  үрдүкү   үктэлигэр   тахсыбыта. Бэтэрээннэргэ 70кг    Дьүллүкүттэн   Михаил Бочетов,   улуус   кииниттэн   Сергей Игнатьев   уонна   ыарахан   ыйааһыҥҥа    Дмитрий  Петров   үһүс    бочуоттаах    миэстэни    ыллылар. Хамаанданан   Үөһээ Бүлүү 109 очколаах    эрэллээхтик      бастакы,  иккис   Үөһээ Дьааҥы   97,  үһүс  Сунтаар   92.

Абсолютнайга  16  кыттааччыттан   Үөһээ Бүлүү    Хоротуттан   Платон   Саввинов  ыйааһыныгар табыллыбатаҕын,  биир   дойдулаахтарын  ортотугар, кинилэр   эрэллэрин  толорон    Үөһээ Бүлүүттэн   алтыс     киһиннэн   Саха  сирин абсолютнай  кыайыылааҕынан   тахсан,  кыайыы   өрөгөйүн   бэлэхтээтэ.

2823

Иккиһинэн: Кулун тутар  ый  24-25  күннэригэр  Дьокуускайга  Василий  Тихонович  Ильин-Күүстээх  Ылдьыын    кэриэһигэр   биирдиилээн  уонна   хамаанданан  бастыыр  иһин  2000-2001 сыллааҕы төрүөх о5олорго   Саха  Республикатын   чемпионата.  Манна  15  улуустан  114 бөҕөс кыттыыны  ыллылар.   40кг   1№дээх  орто   оскуола  үөрэнээччитэ   Гоша Алексеев  иккис, Намтан  Зафар Одинаев  үһүс.   45кг   3№дээх   оскуолаттан  Ороһу  уола  Сергей   Иванов   бастакы, 50кг Далыртан   Роберт  Михайлов  үһүс  уонна  70кг Чурапчыга  Улуу  Коркин  оскуолатыгар  үөрэнэ  сылдьар   Янис Николаев бастакы    миэстэни  уонна   абсолютнай   күрэҕин  кыайыылааҕынан тахсары   ситистэ.  Хамаанданан  түмүккэ  Үөһээ   Бүлүүлэр  бастаатыбыт,  иккис  эмис собону эмсэхтиир  Кэбээйи уолаттара,  үһүс  Манчаары  сиэннэрэ  Мэҥэ – Хаҥаластар  буоллулар.

Үсүһүнэн:  Муус  устар   2-3  куннэригэр  Дьокуускай куоракка   биирдиилээн   уонна   хамаанданан   бастыыр   иһин «Эрчимэн  Бэргэн»    1997-1998   сыллаах  төрүөх   улахан  уолаттарга  Саха Республикатын     чемпионата.   Уопсайа  14   улуустан   195  бөҕөс  кэлэн  илин-кэлин   түһүстүлэр. 45 кг  Сергей  Иванов үһүс,   50кг Максим  Алексеев   2№дээх орто  оскуолаттан  бастакы, 4№дээх   оскуола  үөрэнээччитэ    Хомустаахтан    Пана   Николаев   үһүс.   Ыарахан   ыйааһыҥҥа  Андрей  Алексеев  2№дээх иккис,   Балаҕаннаахтан    Александр  Жендринскэй   чемпион  уонна  абсолютнайга  эмиэ  кыайыылааҕынан  тахсары  ситистэ. Хамаанданан Үэһээ Бүлүү  76 очколаах   бастакы,  Кэбээйи   72    иккис,   Бүлүү  62  үһүс.

2822 

Төрдүһүнэн:    Саха сирин   саамай    үрдүкү  «Эрчимэн   Бэргэн»   уонна   Петр   Алексеев кэриэһигэр   күрэхтэр    түмүктэринэн    10   күүстээх  хамаандалар   быһаарыылаах    хапсыһыылара  Саха Республикатын   хапсаҕайдаһан тустууга   Федерациятын  кубогар   ахсынньы  ый   12-13 күннэригэр тоҕус   томтордоох   Чурапчыга    түмсэн   күрэхтэстилэр. Хамаанда   састаабыгар   17   бөҕөс – алта   үөрэнээччи,  биэс   бэтэрээн  уонна   алта  эр  дьон. Хамаандалар  сэрэбэй  быһыытынан  икки бөлөххө  араарыллан   күрэҕи   саҕалаатылар. Биһиги   иккис  бөлөххө   бастакы  эргииргэ  Бүлүүлэри 13:4, иккискэ   Намнары   10:7, үһүскэ   сынньанныбыт,   төрдүскэ  Уус Алданы   11:6,   бэһискэ   Мэҥэ – Хаҥалаһы  12:5  кыайан  финалга  таҕыстыбыт. Финалга Чурапчыны 9:8 ахсаанынан кыайан С.Р. хапсаҕайдаһан тустууга Федерациятын Кубогын үһүс төгүлүн субуруччу ылан үйэ саас тухары хаалларарга  илдьэ кэллибит. Манна тоһоҕолоон эттэххэ   ахсаан тэҥнэһэн турдаҕына үһүс төгүлүн быһаарыылаах  хапсыһыыга  Увар Тимофеев кыайыыта Бочуоттаах Кубогы   субуруччу  үстэ ыларга олук уурда.

Абсолютнай  75кг дылы ыйааһыннаахтарга буолла.  Финалга   Үөһээ Бүлүү уолаттара спорт маастардара  Дүллүкү  уолаттара   Николай Семенов  Егор Ивановы кыайан  абсолютнай чемпион аатын ылла.

Бэсиһинэн:  Ахсынньы 18 күнүгэр Бэрдьигэстээххэ 1998-99 с т  улахан о5олорго, 1996-97 с т эдэрдэргэ Б. Манчаары аатынан Республиканскай Сахалыы Национальнай Киин ыытар Кубогын былдьаһыытыгар 5 улуус кыттыылаах 11 ыйааһыҥҥа сирэй-сирэйгэ киирсии буолла. Бастакы эргииргэ Тааттаны 9:2, иккискэ Дьокуускайтан «Модун» 6:5, үһүскэ Горнайы 6:5, төрдүскэ Кэбээйини 6:5 кыайан Кубок хаһаайынынан  иккис төгүлүн субуруччу  буоллубут. Түмүккэ абсолютнайга Тамалакаан ыччата ХИФУ студена Сэмэн Федоров кыайыылааҕынан таҕыста.

2824

Алтыһынан: Увар Тимофеев 2015 сыл түмүгүнэн Саха сирин “Бастыҥ хапсаҕайдьытын” аатын үһүс төгүлүн ылла.

Ити курдук Саха сиригэр 2015 сыл  хапсаҕайдаһан тустууга биэс официальнай  күрэхтэһииттэн барытыгар  хамаанданан  бастаан,  абсолютнайдары кыайан   Үөһээ Бүлүүбүтүн өссө төгүл киэҥник ааттаттылар сураҕыртылар.  Хапсаҕай Федерациятын толорооччу дириэктэрэ Алексей Егорович Мостахов: « Үөһээ Бүлүүлэр Республика күрэхтэһиилэригэр  барытыгар кыайыыйалара алҕас буолбатах, кинилэр  сылга  ханнык да улуустааҕар  элбэх хапсаҕайы ыыталлар – үс республиканскай уонна уонтан тахса улуустааҕы турниры. Кинилэр хапсаҕайынан олороллор,  хапсаҕай  хааннарыгар баар». 2015  сыл түмүгүнэн  «Сахаада-спорт»  ассоциация «Бастыҥ суруналыыс»   номинация   лауреата    -  Саина Шеломова,  «Спорт  Якутии»  хаһыат кэрэспэдьиэнэ Үөһээ Бүлүү хапсаҕайдьыттарын «Команда  мечты!»  уонна  Саха   сирин  2015  сыл  «Бастыҥ спортивнай  суруналыыһа»  “Спорт Якутии” хаһыат редакторын солбуйааччы  Николай   Бястинов   «Команда  без  слабого  звена!»  диэн   мээнэҕэ  суруйбатах буолуохтаахтар.

Быыбар Уола

Максим Тихонов хаартыскалара

Поделиться:

Комментарии

1111
0 1111 28.12.2015 17:19
футбол давно не бразилия
Ответить Ответить с цитатой Цитировать

Добавить комментарий

#Новости