0027

Муус устар 2-3 күннэригэр Манчаары Баһылай аатынан Республикатааҕы төрүт көрүҥнэр кииннэрин “Модун” спорт комплексыгар  улахан оҕолорго биирдиилээн уонна хамаанданан бастыыр иһин “Эрчимэн Бэргэн”  - 1997-1999 сылаах төрүөх уолаттарга Саха Өрөспүүбүлүкэтин хапсаҕайга чөмпүйүэнээтэ буолан ааста.

Уопсайа 6 ыйааһыҥҥа 195 бөҕөс 14 улуустан кэлэн, илин-кэлин түһүстүлэр. Кылаабынай судьуйа, Манчаары Баһылай аатынан Республикатааҕы киин улахан дьоҥҥо тренерэ, республика үтүөлээх тренерэ, хапсаҕайга бочуоттаах маастар Петр Иннокентьевич Бурцев салайыытынан судьуйалар үлэлээтилэр, икки күн тохтоло суох кыраһыабай киирсиилэри сууттаатылар.

Хапсаҕай федерациятын кубогар кыттар быраабы ылар иһин, хас биирдии бөҕөс төрөөбүт дойдутугар, улууһугар  наадалаах очуколалары аҕалар туһугар күүһүн харыстаабакка кииристэ, хас биирдии хапсыһыы улахан тыҥааһыннаахтык барда. Улуустар хамаанданы эрдэттэн хомунан, ыйааһын аайы тустууктары аҕалан кытыннардылар. Ол курдук, ыйааһыннарынан түмүктэри көрүөҕүҥ.

45 киилэҕэ барыта 21 кытааччы баарыттан, хара маҥнайгыттан кыайыы көтөллөммүт Үөһээ Дьааһы бөҕөһө Захар Аммосов ситиһиилээхтик туһунна. Ол курдук, бастакы эргииргэ Кэбээйиттэн Айтал Андреевы, онтон салҕыы Үөһээ Бүлүүттэн Сергей Иванову, финалга тахсар иһин киирсиигэ Семен Новгородовы (Уус Алдан) хотуталаата. Онтон чемпион аатын былдьаһыыга Кэбээйи “Бэдэр” хапсаҕай кулуубун, ол эбэтэр Мукучу уолун, Прокопий Григорьевы кыайан, чемпион үрдүк аатын ылла. Үһүс миэстэни былдьаһыыга тыҥааһыннаах киирсиигэ Үөһээ Бүлүү уола Сергей Иванов Бүлүү эдэр бөҕөһүн Мичил Иванову бүдүрүтэн, мэтээлгэ тигистэ.

50 киилэҕэ барыта 25 кытааччы туһунна.Үөһээ Бүлүү төрүт уус хапсаҕайдьыттарын хамсаныыларын этигэр-хааныгар иҥэринэ сылдьар Максим Алексеев бастакы эргииригэр сыньанан баран, онтон эрэх-турах ылан кыайыынан саҕалаата, ол курдук Дмитрий Ильины (Кэбээйи), Эрэл Винокуровы (Нам), финалга тахсар иһин хапсыһыыга Иван Федоровы (Сунтаар)  кыайталаата. Онтон кыһыл көмүс мэтээли былдьаһыыга Бүлүүү өрүс кытылыгар сытар Сунтаар улууһун уолун Иван Павловы кылбардык кыайан, чемпион үрдүк аатын ылла. Үһүс миэстэни бастакы түһүмэххэ кыайтарыы хомолтотун билбит Үөһээ Бүлүү уола Пантелеймон Николаев ылла.

55 киилэ ыйааһыҥҥа  барыта 45 кытааччы көбүөргэ таҕыста. Кырылас кумахтаах Бүлүү куорат уола Юрий Сергин  эмиэ бастакы эргииргэ сынньанан баран, иккис түһүмэхтэн кыайыынан айаннаата - Үөһээ Бүлүүттэн Гаврил Илларионовы, Уус Алдантан Андрей Архиповы,  Кэбээйиттэн Насим Ивановы кыайталаата. Финалга тахсар иһин көрсүһүүгэ Чурапчы бөҕөһүн Павел Архиповы, финалга бэйэтин биир дойдулааҕа Айтал Никифоровы баһыйда.  42 киһини кэннигэр хаалларан, үһүс миэстэниКэбээйиттэн Никита Иванов ылла.

62 киилэ - бу ыйааһыҥҥа саамай элбэх эдэр бөҕөс илин-кэлин түһүстэ, барыта 48 кыттааччы. Бу саха омук ыйааһына, мас тардыһыыта буоллун, хапсаҕай буоллун, саамай элбэх кыттааччылаах буолар. Манна Кэбээйиттэн “Бэдэр” кулууп иитиллээччитэ Ньургустаан Николаев көбүөргэ уопсайа алтата тахсан туһунна: бастакы эргииргэ Хаҥалас хахайын Афанасий Андреевы, Дьокуускай куорат бөҕөһүн Альберт Григорьевы, Намтан Айынаат Сивцеви, төрдүс эргииргэ биир дойдулааҕын, бу күрэхтэһии үһүс миэстэлээҕин Владик Левчиковы тулуталаабата. Онтон чемпион аатын былдьаһа тахсар бэһис эппиэттээх киирсиитигэр Үөһээ Бүлүү бөҕөһүнЗахар Кими эрэллээхтик кыайан, финалга Саха Республикатын көҥүл тустууга чемпионун, Үөһээ Дьааҥы бөҕөһүн, улуу тренер Д.П.Коркин  аатынан Чурапчы интернат оскуолатын итиллээччитэ Христофор Потаповы хапсаҕай халбархай хамсаныытынан кыайан, хапсаҕайга республика чемпионун аатын ылла. Үһүс миэстэни былдьаһыыга Кэбээйи уолаттара кииристилэр, Владислав Левчиков бииргэ эрчиллэр доҕорун Василий Афанасьевы кыайан, пьедестал үһүс үктэлигэр таҕыста.

70 киилэҕэ 35  бөҕөс туһунна. Манна Амматан Петр Ефимов биэстэ кииристэ: бастаан  Уус Алдан бөҕөһүн Артем Сивцевы , онтон киирэн Хаҥаластан Ньургун Гаврильевы,  Кэбээйиттэн Сандал Семеновы кыайталаата. Онтон сынньанан баран, финалга тахсар иһин киирсиигэ Сунтаартан сылдьар, бу сылга балайда үчүгэйдик хапсаҕайдаһа сылдьар Айсен Килибеевы хотон, бастакы миэстэни ылар иһин  былдьаһыыга эмиэ Хаҥаластан Александр Алексеевы кыайан, дойдутугар Кыыс Аммаҕа кыһыл көмүһү илдьэ барда. Үһүс миэстэни Үөһээ Дьааҕы ыччата Алескандр Заворотнай ылан, хамаандатыгар наадалаах очукуону аһалла.

70 киилэттэн үөһээ ыйааһыннахтарга барыта 21 кытааччыттан 20-тин кэннигэр хаалларан, Үөһээ Бүлүү эдэр кэскиллээх бөҕөһө, улуу тренер Д.П.Коркин аатынан Республикатааҕы интэринээт оскуола иитиллээччитэ Александр Жендринскай биэстэ тахсан туһунна. Маҥнайгы эригииргэ ыаллыы сытар Бүлүү улууһун бөҕөһүн Айсен Александрову, салгыы Дьокуускай куорат дьоһуннаах уолун Никита Хабаровы, онтон Намтан  Айтал Охлопковы, финалга киирэр иһин көрсүһүүгэ Чурапчыттан Михаил Адамовы кыайталаан, быһаарыылаах бастакы миэстэни былдьаһыыга биир дойдулааҕын Андрей Алексеевы сэрэтиинэн кыайан, республика оҕолорго чемпионун үрдүк аатын сүктэ. Үһүс миэстэни Намтан Артур Парников ылла.

Хамаанданан түмүккэ 76 очукуолаах Үөһээ Бүлүү хамаандата бастаата, кинилэртэн үс  очкуонан хаалан, Кэбээйи эдэр бөҕөстөрө иккис миэстэҕэ таҕыстылар.  Онтон 62 очукуолаах Бүлүү эдэр бөҕөстөрө  үһүс миэстэлэннилэр.

Пантелеймон НАУМОВ, хапсаҕай судьуйата, Манчаары Баһылай киинин специалиһа.

 

Лично-командное первенство Республики Саха (Якутия) по борьбе хапсагай «Эрчимэн Бэргэн» среди юношей 1997-1999 гг.р.

2-3 апреля 2015 г.          г.Якутск, СК «Модун»

45 кг (21 участников)

1. Аммосов Захар – Верхоянский

2. Григорьев Прокопий – Кобяйский

3. Иванов Сергей – Верхневилюйский

50 кг (25 участников)

1. Алексеев Максим – Верхневилюйский

2. Павлов Иван – Сунтарский

3. Николаев Пантелеймон – Верхневилюйский

55 кг (45 участников)

1. Сергин Юрий – Вилюйский

2. Никифоров Айтал     – Вилюйский

3. Иванов Никита – Кобяйский

62 кг (48 участников)

1. Николаев Ньургустан – Кобяйский

2. Потапов Христофор – Верхоянский

3. Левчиков Владик – Кобяйский

70 кг (35 участников)

1. Ефимов Петр – Амгинский

2. Алексеев Александр – Хангаласский

3. Заворотный Александр – Верхоянск

Свыше 70 кг (21 участник)

1. Жендринский Александр – Верхневилюйский

2. Алексеев Андрей – Верхневилюйский

3. Парников Артур – Намский

Командный итог

1. Верхневилюйский  

2. Кобяйский   

3. Вилюйский  

4. Верхоянский              

5. Сунтарский 

6. Хангаласский             

7. Намский       

8. Чурапчинский

9. Якутск            

10. Усть-Алданский     

11. Мегино-Кангаласский        

12. Амгинский                

13. Таллинский                              

14. Оленекский                             

 

Поделиться:

#Новости

Футболисты МЧС России повторили триумф кубка «Динамо»

Мероприятия посвящены 100-летию общества «Динамо» и 100-летию физкультурного движения в…

Экстремалы из Якутии, Тверской и Владимирской областей испытают свои силы в марафоне на Полюсе Холода

11 февраля в Оймяконском районе состоится IV зимний экстремальный марафон «Полюс…

Международный комитет «Дети Азии» выразил соболезнования народам Сирии и Турции

В это трудное время мы скорбим вместе с вами, говорится в сообщении