СахаВА волейболистарын общественнай тэрилтэтин көһө сылдьар бөлөҕө (сал. СахаВА бэрэссэдээтэлэ С.И.Иванов) сэтинньи 19 күнүгэр Нам улууһугар тахса сырытта. Ол курдук, «Нам улууһа» МТ дьаһалтатын актовай саалатыгар «Төгүрүк остуолу» тэрийэн ыыттылар.
Бастатан туран, бөлөх салайааччыта Сергей Иванович кылгастык СахаВА общественнай тэрилтэ быйылгы сыллааҕы үлэтигэр араас тэрээһин үлэлэрин,чуолаан,Кыайыы 70 сылыгар акция тэриллиитигэр, Республикатааҕы СахаВА I-кы Форумун, ахсынньы ыйга республика дьахталларын турнирын,сылбыт түмүгүн таһаарар Саҥа дьыллааҕы СахаВА баалын уо.д.а үлэлэр тустарынан бэлиэтээн аһарда. Түмүккэ,эһиилги сылга СахаВА тэриллибитэ 25 сылын көрсө түбүктээх үлэлэр уонна тэрээһиннэр күүтэллэрин санатта.
Бу бөлөх сүрүн сыаллаах үлэтинэн, «СахаваБол» диэн саҥа көрүҥ проегын тула кэпсэтии ыытылынна. Онтон бу проект уонна систематын айбыт, СахаВА ветераннарын лигатын салайааччыта Тирютин Г.С. буолар. Герман Степанович бу саҥа көрүҥ ис өрүттэрин,оонньуур быраабылаларын, туох сыалтан тэриллибитин туһунан сиһилии быһаарда. Кэккэ боппуруостарга эппиэттээтэ. Ити санаа атастаһыытын кэнниттэн, Хамаҕатта нэһилиэгин баараҕай спортивнай саалатыгар Герман Степанович оонньуу быраабылатыгар маастар-кылаас ыытта. Ол курдук, судьуйаларга уонна протоколу толорор сэкэрэтээр-судьуйаларга турнир хайдах ыытыллыахтааҕын, икки хамаанда оонньуутугар быһаарда. Бу куорат бөлөҕүн хамаандатын кытта тэҥ оонньууга, олохтоохтор 2:1 ахсаанынан кыайыыны ситистилэр.
“СахаваБол” оонньуутун билсиһэн баран, Намнааҕы спорт управленията ахсынньы ыйга уонна эһиилги 2016 сыллаа5ы үлэ былааныгар киллэрэн ыытарга сорук туруорунна.
Анатолий Софронов – Онтуон. Нам.
