саҥа кинигэ сүрэхтэниитэ үрдүк тэрээһиннээхтик буолан ааста. 10 түһүмэхтээх, 384 страницалаах уус-уран-документальнай кинигэ ааптара суруналыыс Василий Федорович Посельскай. “Айар” кинигэ кыһатыгар “Саха сирин киэн туттар дьоно” сиэрийэнэн бэчээттэннэ.
Дьоро тэрээһиҥҥэ Ил Түмэн бэрэссэдээтэлэ Алексей Еремеев, депутаттар, Сис кэмитиэттэр салайааччылара Юрий Николаев, Владимир Прокопьев, Георгий Балакшин, Геннадий Васильев, өрөспүүбүлүкэ спорка миниистирин 1-кы солбуйааччы Гаврил Мохначевскай,
“Сахаада-спорт” президенэ Александр Ким-Кимэн, спорт тэрилтэлэрин салайааччылара Юрий Баишев, Александр Бугаев, Аркадий Прокопьев, Алексей Филиппов, спорт ветераннара Прокопий Готовцев, Гаврил Сивцев, улуус баһылыга Степан Саргыдаев,
дьаһалта эппиэттээх үлэһиттэрэ, Д.П. Коркин аатынан оҕо спортивнай оскуола-интэринээт дириэктэрэ Станислав Захаров, учууталлар, физкультура-спорт институтун ректора Иннокентий Готовцев, преподавателлэр, тренердэр, өрөспүүбүлүкэ спордун суруналыыстара Владислав Коротов, Родион Кривогорницын, Федор Рахлеев, Платон Эверстов, Михаил Дмитриевич Гуляев үөлээннээхтэрэ, чугас доҕотторо, дьиэ-кэргэнэ үөрүүлээх, дьоро түгэҥҥэ кыттыыны ыллылар, эҕэрдэ тыллары анаатылар.
Үөрүүлээх түгэни бибилэтиэкэ сүрүн испэсэлииһэ Вера Апполоновна Федорова салайан, кинигэ ис хоһоонун сиһилии билиһиннэрдэ. Ол курдук, Михаил Гуляев олоҕун-үлэтин бүтүннүүтүн спорка анаан кэллэ. Ону үгүс сыыппаралар, чахчылар, дьаһаллар, сокуоннар кэрэһэлииллэр. Саха Өрөспүүбүлүкэтин бастакы Президенэ М.Е. Николаев быһаччы өйөөһүнүнэн Михаил Гуляев 1999 с. институту көҕүлээн тэрийбитэ киэҥ билиниини ылла.
Президент В.А. Штыров ыйааҕынан 2003 с. Госкомспорт бэрэссэдээтэлинэн ананаат, Саха Өрөспүүбүлүкэтин Бырабыыталыстыбатын (Борисов Е.А.) уонна Россия спорка Министиэристибэтин (Фетисов В.А.) холбоһуктаах Коллегиялара ыытыллан, 2020 с. диэри физкультураны уонна спорду сайыннарыы Стратегията, программалар, “Физкультура уонна спорт”, “Тренер”, “Спорт национальнай көрүҥнэрин” Сокуоннара ылылыннылар, “Физкультура учууталларын статустара” үрдэтилиннэ. 2009 с. физкультура уонна спорт үлэһиттэрин II сийиэһигэр 550 делегаттара инники үлэ сыалын-соругун туруоруммуттара. Дойду спорка Министиэристибэтин кытта быстыбат сибээс олохтонно. Физкультура-спорт эйгэтин бигэ структурата үөскэтилиннэ, оҕо спорда, адаптивнай спорт, үрдүкү маастарыстыба оскуолата таһаарыылаахтык үлэлээһиннэрэ ситиһиллэр, материальнай база күүһүрдүллэн, стадионнар, спортивнай комлекстар, балассааккалар тутулланнар, спорка үрдүк көрдөрүүлэр ситиһиллэллэр, спорт национальнай көрүҥнэрэ сайдаллар. Медицинаны, науканы кытта ыкса ситимнээх үлэ олохтонно. Сарсыардааҥҥы чэбдигирдэр сэрээккэлэртэн саҕалаан, спорт маассабаһа үрдүүр. Госкомспорт, Министиэристибэ өрөспүүбүлүкэ Күннэрин улуустарынан, оройуоннарынан ыытыылар, миэстэҕэ практическай көмөлөрү оҥоруулар биһирэбили ыллылар. Олимпийскай программа бигэргэнэн үлэлиир, бастыҥ спортсменнарбыт Олимпиада, аан дойду, Европа, Азия түһүлгэлэриттэн араас солотуулаах мэтээллэри аҕалтыыллар.
Кинигэ сүнньүнэн тыл этээччилэр ыытыллыбыт кинигэ кэмигэр тахсыбытын, үлэлэр суолталара улаханын бэлиэтээтилэр, “Үлэ Геройун” аатын иҥэрэргэ этиилэр киирдилэр.
Sportyakutia.ru
