Ахсынньы 9-11 күннэригэр улуус киинигэр Александр Федотов аатынан успуорт уораҕайыгар мас тардыһыытыгар СӨ успуордун маастара, “Сахаада успуорт” ассоциация “Бастыҥ тириэньэрэ” анал аат хаһаайына, 2005-2008 сыллар Чурапчы улууһун бастыҥ тириэньэрэ Сергей Смирников сырдык кэриэһигэр VI-с өрөспүүбүлүкэтээҕи турнир олус үрдүк таһымҥа буолан ааста.
Өрөспүүбүлүкэбит араас улуустарыттан 95 мадьыны кэлэннэр кыттыыны ыллылар. Турнир сүрүн судьуйатынан, боксаҕа Сойуус успуордун маастара, мас тардыһыытыгар успуорт маастара, “Манчаары” Оонньууларын икки төгүллээх муҥутуур кыайыылааҕа, норуоттар икки ардыларынааҕы категориялаах судьуйа Дмитрий Шарин үлэлээтэ. Икки күннээх күрэхтэһии былаһын тухары олус күүстээх үлэ барбытын көрөөччүлэр бэлиэтии көрдүлэр, ол курдук турнир уота-күөһэ, тыас-уус өттүнэн хааччылыыта, судейскай коллегия түргэн-тарҕан үлэтэ барыта биһирэннэ. Мас тардыһыытын быраабылатын, ыспарсымыаннары олус үчүгэйдик билэр, Одьулуун нэһилиэгиттэн комментаторынан Анатолий Ефремов кэлэн түһүлгэни киэргэттэ.
Күрэх бочуоттаах ыалдьыттарынан Дьокуускай куораттан, көҥүл тустууга Украина 7 төгүллээх чөмпүйүөнэ Михаил Ноговицын, улуус дьокутаата Яков Оконешников, Чурапчы нэһилиэгин баһылыгын солбуйааччы Иннокентий Посельскай, Сергей Смирников төрөппүт аҕата Иннокентий Смирников, быраата Андрей буоллулар.
Сергей Смирников амйахтара: “Биһиги уолбут, бырааппыт хомойуох иһин олус эрдэ олохтон туораабыта... кини аатын үйэтитэр туһуттан кини табаарыстара, доҕотторо сүбэлэһэннэр маннык турниры тэрийиэххэйин диэбиттэрин, оҕобут иккиһин тиллибит курдук санаан сүрдээҕин үөрэбит”.
Чурапчы улууһун Аҕа баһылыга, Сергейы кытары бииргэ үөрэммит табаарыһа Степан Саргыдаев: “Биһиги биир бастыҥ ыччаппыт, действующай ыспарсымыан быһыытынан улахан доҕорбут буолар. Кини кэриэһигэр ыытыллар турнир успорт маастарын нуорматын толорор квалификационнай күрэх буолар, ол онно төһүү күүс буолбут “Модун” ыспартыыбынай комплекс салалтатыгар, хас ыйааһын аайы бириистэри туруортаабыт Сергей доҕотторугар, атастарыгар, бииргэ үөрэммит табаарыстарыгар дириҥ махталбытын тириэрдэбит”.
Икки күн устата тыҥааһыннаах, өрө хаһыылаах-ыһыылаах киирсилэр буоллулар. Чахчы даҕаны күүстээх мадьынылар кэлэннэр астык күрэхтэһиини көрдөрдүлэр.
Дьахталларга:
55 киилэҕэ: 1 миэстэ – Анастасия Соколова (Мэҥэ Хаҥалас), 2 миэстэ – Татьяна Дьячковская (Чурапчы), 3 миэстэ – Евгения Коленкова (Горнай).
65 киилэҕэ: 1м – Светлана Молукова (АГАТУ), 2м – Ирина Алексеева (Горнай), 3м – Татьяна Томская (Мэҥэ Хаҥалас).
75 киилэҕэ: 1м – Норайана Трофимова (Амма), 2м – Мира Павлова (Мэҥэ-Хаҥалас), 3м – Саина Седалищева (Чурапчы).
75 киилэттэн үөһэ: 1м – Татьяна Попова
(Амма), 2м – Сардана Слепцова (АГАТУ), 3м – Лариса Иванова (Сунтаар).
Бэтэрээн эр дьоҥҥо: 65 киилэҕэ: 1м – Дмитрий Сергучев (Мэҥэ Хаҥалас), 2м – Петр Соломонов (Хаҥалас), 3м – Яков Кривошапкин (Чурапчы).
75 киилэҕэ: 1м – Анатолий Гладков (Нам), 2м – Александр Брызгаев (Хаҥалас), 3м – Сергей Ноговицын (Мэҥэ Хаҥалас).
85 киилэҕэ: 1м – Нюргун Уваров (Хаҥалас), 2м – Максим Марков (Мэҥэ Хаҥалас), 3м – Андрей Барашков (Амма).
Эр дьоҥҥо: 60 киилэҕэ: 1м – Иван Никифоров (“Мохсоҕол” клуб), 2м – Гавриил Павлов (ХИФУ-Мэҥэ Хаҥалас), 3м – Артур Жирков (Мэҥэ Хаҥалас).
65 киилэҕэ: 1м – Герман Игнатьев (“Модун” спорткомплекс), 2м – Алексей Соколов (ХИФУ), 3м – Эрхан Жирков (“Мохсоҕол”).
70 киилэҕэ: 1м – Артем Зорин (Сунтаар), 2м – Борислав Попов (“Модун”), 3м – Владимир Мохначевскай (ХИФУ).
75 киилэҕэ: 1м – Семен Ануфриев (Уус Алдан), 2м – Евгений Удин (“Модун”), 3м – Михаил Лазерев (“Модун”).
80 киилэҕэ: 1м – Айхал Бюлтясов (ЧГИФКиС), 2м – Семен Борисов (Горнай), 3м – Иван Гуляев (ХИФУ).
90 киилэҕэ: 1м – Дьулустан Ноговицын (Горнай), 2м – Петр Сергеев (Мэҥэ Хаҥалас), 3м – Айуран Степанов (ХИФУ).
105 киилэҕэ: 1м – Семен Степанов (Таатта), 2м – Айсен Молуков (Мэҥэ Хаҥалас), 3м – Андрей Свешников (ЧГИФКиС).
105 киилэттэн үөһэ: 1м –Эрчим Баппаҕай (Үөһээ Бүлүү), 2м – Айсен Старостин (Чурапчы).
Абсолютнай күрэхтэһиигэ, Сергей Смирников аймахтарын ааттарыттан туруоруллубут убаһатын иһин, 75 киилэҕэ диэри ыйааһыннаахтарга 11 мадьыны күрэхтэстэ, кыайыылааҕынан Уус Алдан ыччата, мас тардыһыытыгар норуоттар икки ардыларынааҕы успуорт маастара Семен Ануфриев буолла.
Чөмпүйүөннэр ортолоругар сэрэбиэй тардааһыныгар “МР-155” автомат саа хаһаайынынан Эҥсиэли хочотуттан Анатолий Гладков наҕараадаланна.
Маны таһынан биирдиилээн ыспарсымыаннарга анал бириистэр туруорулуннулар. Сергей Смирников табаарыстара, доҕотторо кыттыһаннар бииргэ төрөөбүт быраатыгар Андрей Смирниковка анал сууммалаах сэртэпикээти бэлэх туттардылар.
Источник: «Сана Олох»
