Кулун тутар 19 күнүгэр Уус Алдан Найахы орто оскуолатыгар төрүт остуол оонньууларыгар хабылыкка, хаамыскаҕа В.Г.Дмитриев кэриэһигэр республиканскай турнир ыытылынна. Былырыын эмиэ «Найахы» совхоз маҥнайгы салайааччыларын бирииһигэр, партком, остуол оонньууларын тарҕатааччы В.Г.Дмитриев аатыгар ыытыллан турар. Аҕаларын аатын үйэтитиигэ кыргыттара Марина, Александра Владимировналар төһүү күүс буолан, ыалдьыттаан, бэлэх-туһах бөҕө туттаран оҕолору үөртүлэр.