Ох саанан ытыыга өрөспүүбүлүкэтээҕи аһаҕас чемпионат буолла. Сайыына Иванова, Софрон Лукин, Илья Варламов маастар нуорматын толордулар.
Күрэхтэһии кыттыылаахтарын улуус баһылыга Никита Андреев, улуус оҕунан ытыы федерациятын бэрэссэдээтэлэ Альберт Кривошапкин, СӨ үтүөлээх тренера, күрэхтэһии сүрүн судьуйата Анатолий Тимофеев уонна Василий Михайлов уола Михаил Михайлов эҕэрдэлээтилэр.
Үөһээ Бүлүү, Бүлүү, Горнай, Сунтаар, Ньурба, Кэбээйи, Хаҥалас, Мэҥэ Хаҥалас, Таатта, Чурапчы, Өлүөхүмэ улуустарыттан уонна Роман Дмитриев аатынан ОЭУ-ттан, Дьокуускай к. түөрт оҕо спортивнай оскуолатыттан 140-ча спортсмен кэлэн күрэхтэстэ.
Константин Бурцев, улуустааҕы оҕо спортивнай оскуолатын ох саанан ытыыга старшай тренера:
— Василий Антонович бирииһигэр күрэхтэһии быйыл 13-с төгүлүн ыытыллар. Өрөспүүбүлүкэ спортивнай күрэхтэһиилэрин халандаарынай былааныгар киирэр. Дьиэ иһинээҕи ох саанан ытыы сезонун өрөспүүбүлүкэҕэ бу күрэхтэһиинэн арыйаллар. Ол иһин, ох саа ытыытынан дьарыктанар улуустар бары кэлэ сатыыллар. Бу күрэхтэһии кыайыылаахтара, бастыҥнара «Россия эрэллэрэ» турнирга сүүмэрдэниэхтээхтэр.
Анатолий Тимофеев, СӨ үтүөлээх тренера, күрэхтэһии сүрүн судьуйата:
— Бу күрэхтэһиигэ улахан болҕомто ууруллар. Улахан дьон, оҕолор уонна хамаанданан ытыыга арахсаллар. Инники биирдиилээн бастыыр иһин түмүккэ ытан күрэхтэһэр буоллахтарына, икки сылтан бэттэх хамаанданан эмиэ ытар буоллулар. Онон бу күрэхтэһии суолтата өссө үрдээтэ.
Егор Соловьев, тренер, Бүлүү улууһа:
— Биһиги алта буолан кэллибит. Үс улахан киһи, үс оҕо. Муус устарга диэри дьиэ иһинээҕи көрүҥҥэ ытабыт. Кыһыҥҥы сезоммутун өрүү бу күрэхтэһииттэн саҕалыыбыт. Ол иһин күүскэ бэлэмнэнэн кэллибит.
Үс күннээх тыҥааһыннаах киирсии түмүгэр кыайыылаахтар ааттаннылар.
Эр дьоҥҥо: I м. Илья Варламов (Горнай), II м. Ростислав Павлов (Дьокуускай к.), III м. Филипп Соловьев (Бүлүү);
Дьахталларга: I м. Сайыына Иванова (Горнай), II м. Анна Алексеева-Стасова (Хаҥалас), III м. Валентина Евдокимова (Бүлүү).
Эр дьоҥҥо: I м. Павел Мартынов (Хаҥалас), II м. Асим Павлов (Чурапчы), III м. Алексей Милютин (Дьокуускай к.);
Дьахталларга: I м. Дайаана Винокурова (Нам), II м. Надежда Киприянова (Дьокуускай к.), III м. Евгения Иванова(Ньурба).
Классическай оҕунан ытыы. 2001-03 сс. төрүөх ыччаттарга:
Уолаттарга: I м. Алексей Михайлов (Мэҥэ Хаҥалас), II м. Ян Константинов (ДЮСШ-4), III м. Владик Васильев(Хаҥалас);
Кыргыттарга: I м. Рената Курчатова (ДЮСШ-4), II м. Алина Заморщикова (Сунтаар), III м. Элеонора Степанова(Чурапчы).
Блочнай оҕунан ытыыга. 2001-03 сс. төрүөх ыччаттарга:
Уолаттарга: I м. Николай Кривошапкин (Хаҥалас), II м. Роман Заостровскай (ДЮСШ-4), III м. Мирослав Корнилов(Чурапчы);
Кыргыттарга: I м. Сардаана Жиркова (Дьокуускай к.), II м. Нарыйа Саввина (Таатта), III м. Людмила Приблых (Мэҥэ Хаҥалас).
Блочнай оҕунан ытыыга. 2004-06сс. төрүөх ыччаттарга:
Уолаттарга: I м. Олег Кононов (Горнай), II м. Егор Мигалкин (Дохсун), III м. Борис Мыреев (Сунтаар);
Кыргыттырга: I м. Айгылаана Атакова (ДЮСШ-4), II м. Люба Никулина (Дохсун).
Хамаанданан ытыыга.
Классическай оҕунан:
Кыргыттар. I м. ДЮСШ-4, II м. Хаҥалас, III м. Чурапчы;
Уолаттар хамаандалара. I м. Хаҥалас, II м. Горнай, III м. ДЮСШ-5.
Дьахталлар. I м. Горнай хамаандата.
Эр дьоннор. I м. Дьокуускай к., II м. ОЭУ, III м. Горнай хамаандалара буоллулар.
Хамаанданан блочнай ытыыга:
Уолаттар, кыргыттар (булкуйа): I м. Дьокуускай, II м. Хаҥалас, III м. Горнай.
Эр дьоннор, дьахталлар: I м. Дьокуускай, II м. Кэбээйи, III м. Нам хамаандалара буоллулар.
Кыайыылаахтарга Махтал суруктары уонна сыаналаах бириистэри туттардылар. Ону таһынан үс саҥа маастар нуорматын толорбут Сайыына Ивановаҕа, Софрон Лукиҥҥа, Илья Варламовка олохтоох урбаанньыт Вера Кесерова анал бириистэри туттартаата.
Ааптар: Василий Тимофеев.
