Чөл олоҕу өрө тутар нэһилиэк холобурга сылдьар. Ааспыт нэдиэлэҕэ теннис, садуоба күрэхтэһиилэригэр олохтоохтор көхтөөхтүк кытыннылар.
Бөтүҥ нэһилиэгэр саҥа оскуола тутуутугар сир наада диэн спортивнай сааланы көтүрэн кэбиспиттэрэ. Ол да буоллар нэһилиэнньэ араас суолу тобулан спордунан дьарыктанарын тохтоппот. Нэһилиэк спортинструктора уонна ыччатын лидерэ Александр Артемьев бары саастары хабан араас күрэхтэһиилэри тэрийэр. Бу сырыыга теннис, садуоба күрэхтэһиилэрэ ыччат, эр дьон уонна дьахталлар ортолоругар ыытылынна, итиэннэ дьиэ кэргэнинэн эмиэ кытыннылар.
Теннис күрэхтэһиитэ биирдиилээн уонна муҥутуур кыайыылааҕы быһаарда. Манна эр дьоҥҥо Владимир Неверевбастаата, онтон дьахталларга Ида Назарова инники күөҥҥэ таҕыста. Саахымакка, дуобакка, баарыска, уксааҥҥа бэтэрээннэр көхтөөхтүк кытыннылар.
Аны сайын нэһилиэккэ адаптивнай спорт көрүҥнэрин спортсаалата аһыллыа. Онуоха диэри олохтоохтор култуура дьиэтигэр дьарыктаналлар уонна күрэхтэһэллэр.