Күрэхтэһиини норуоттар икки ардыларынааҕы кылаастаах маастардар киэргэттилэр

Муус устар 2 күнүгэр Бэрдьигэстээххэ элбэх хайысхалаах спортивнай комплекска көҥүл тустууга ССРС тыатын сирин чемпионатын, Али Алиев турнирын кыайыылааҕа, Ыччат уонна устудьуоннар Бүтүн Аан дойдутааҕы бэстибээлин, РСФСР призера, ССРС спордун маастара Константин Леонтьев 75 сааһын туолла. Бу бэлиэ күн улуус дьаһалтатын көҕүлээһининэн Горнай биир бастыҥ бөҕөһүн бирииһигэр өрөспүүбүлүкэ аһаҕас турнира ыытылынна.

Күрэхтэһии эпидемологическай быһыы-майгы тыҥааһына ааһа илик буолан, көрөөччүлэргэ хааччахтаныы олохтонно. Тустууну таптааччылар, хапсыһыылары интэриниэт сибээһин нөҥүө быһа эфиргэ көрдүлэр.

Константин Васильевиһы улуус баһылыга Никита Андреев, Саха сирин сүүмэрдэммит хамаандатын ыстаарсай тренерэ Александр Оконешников, Аан дойду чемпионнара Герман, Александр Контоевтар, Кировскай, Бэрдьигэстээх, Солоҕон нэһилиэктэрин баһылыктара Савва Данилов, Алексей Захаров, үөлээннээхтэрэ спорт бэтэрээннэрэ Василий Пахомов, Анатолий Осипов, аймахтара эҕэрдэлээтилэр. Бэрдьигэстээх баһылыга Алексей Аргунов аҕа саастаах үтүө киһи чаҕылхай спортивнай ситиһиитин, үтүө суобастаах үлэтин үрдүктүк сыаналаан туран, Константин Леонтьевка “Бэрдьигэстээх нэһилиэгин Бочуоттаах олохтооҕо” үрдүк аат иҥэриллибитин бэлиэтээн туран, дохсун ытыс тыаһын ортотугар наҕарааданы туттарда.

Күрэхтэһиигэ норуоттар икки ардыларынааҕы кылаастаах – үс, РФ спордун маастара – биэс спортсмен кытынна. Өрөспүүбүлүкэ бастыҥ бөҕөстөрө Виктор Рассадин, убайдыы-быраат Петр, Алексей Копыловтар, Ньургун Александров, Дмитрий Аксенов, Ньургун Сергин, олохтоохтор эрэллэрэ Михаил Иванов кыраһыабай хапсыһыыны көрдөрөн, бэйэлэрин ыйааһыннарыгар лидердэр буолалларын бигэргэттилэр.

Кыайыылаахтар уонна призердардар спонсордар туруорбут сыаналаах бириистэринэн наҕараадаланнылар. Хас ыйааһын ахсын бастаабыт уолаттар МР-155 саа хаһаайыннарынан буоллулар.
WhatsApp Image 2021 04 02 at 21.34.50

Үс бастыҥ иһигэр киирбит спортсменнар: 57 кг; I Алексей Копылов (Нам), II Михаил Иванов (Горнай), III Айаал Белолюбскай (Дьокуускай), Петр Копылов (Өлүөхүмэ). 61 кг; I Ньургун Александров (Үөһэ Бүлүү), II Петр Константинов (Дьокуускай), III Федор Постников (Таатта). 65 кг; I Дмитрий Аксенов (Томпо), II Петр Парников (Нам), III Уйгулаан Протодьяконов (Дьокуускай), Иван Потапов (Үөһээ Дьааҥы). 74 кг; I Виктор Рассадин (Орто Халыма), II Егор Герасимов (Сунтаар), III Павел Яковлев (Дьокуускай). 74 кг үөһэ; I Ньургун Сергин (Сунтаар), II Харысхан Николаев (Үөһэ Бүлүү), III Михаил Нестеров (Амма).

Вячеслав Алексеев "«Газета "Үлэ күүһэ"»


Поделиться:

Добавить комментарий

#Новости

Любишь футбол – зарабатывай на нем деньги!

Любителей футбола можно разделить на две категории: те кто смотрит футбол из-за…

Якутские борцы стали победителями и призерами турнира памяти Василия Чапаева

Спортсмены завоевали две золотые, одну серебряную и две бронзовые медали