«Айылгы» уһуйааҥҥа Улуу Кыайыы 75 сылын көрсө төрөөбүт дойдуга бэриниилээх буолуу сылынан уонна Ийэ дойдуну көмүскээччилэрин күнүгэр анаан «Үрүҥ Уолан» күрэх 5-6 саастаах уолаттарга сэргэхтик ааста.

Ийэ дойду көҥүлүн,

Эйэлээх олох үтүөтүн

Көмүскээбит аармыйа

Күнэ үүннэ бу бүгүн.

Биһиги эмиэ улаатан

Күүстээх-уохтаах буолуохпут,

Эһэбит, аҕабыт курдук

Сулууспалыы барыахпыт!

Уол оҕону кыра сааһыттан эр киһи курдук тулуурдаах, күүстээх, сымса, сылбырҕа, булугас өйдөөх буоларыгар хас бирдии иитээччи, төрөппүт үлэлэһэр буолуохтаах. Сэттэ түһүмэхтээх киирсиигэ кырачаан боотурдарбыт илин-кэлин түсүһэн сытыытык киирсэннэр, көрөөччүлэри сэргэхситтилэр. Түһүмэхтэри көрдөххө кырдьык да бэлэмэ суох оҕо кыттыа суоҕун тэҥэ.

cd7f2f67 b064 439d 8425 848f096e88e3

Бэйэни билиһиннэрии, кыайыыга кынаттыыр хоһооннору ааҕыы, өбүгэ оонньуута «ойбонтон уулааһын», «мин саха оҕотобун» өркөн өй күрэҕэ, күүһү холонон гантели өрө көтөҕүү, уһуну ыстаныы, байыаннай таҥастаах хаамыы – итиннэ барытыгар тулуур, дьулуур, эр санаа көмөтүнэн кыттыы буолар.

bcd826ff 8f3d 4a0f a57a 2b73ccb4919c

Ити түһүмэхтэри сэттэ кырачаан уолаттарбыт биир киһи курдук илин-кэлин түсүһэн кыттыбыттарын бэлиэтиир тоҕоостоох. Түмүккэ барыларыттан чорбойон «Үрүҥ Уолан-2020» ааты ылары ситистэ биэс саастаах Эрсан Иванов.

be823151 7d84 488d a9ef f224e18b2d33

«Дыырай Бөҕө» ааты ылла Вова Винокуров, «Быһый атах» - Афанасий Владимиров, «Хомоҕой тыллаах» - Слава Захаров, «Чуор Боотур» - Эрчимэн Иванов, «Эр Хоһуун» - Харысхан Федоров, «Иэҕэй Бөҕө» - Эрэл Васильев.

3acec42c b65e 47a8 a040 d972eeeb83f1

Кырачаан уоланнарбытыгар төрөөбүт дойдуларын үтүөтүгэр чэчирээн, үүнэн-улаатан иһэллэригэр, өссө да үгүс ситиһиилэри баҕарабыт.

Людмила ТИМОФЕЕВА, «Айылгы» уһуйаан иитээччитэ,

Күөрэлээх, Горнай улууһа

02728f33 04da 495b a958 07542367d610

Поделиться:

Добавить комментарий

uluu2
reklam tramplin

#Новости