Спорт кыһыҥҥы көрүҥнэригэр дойду атын регионнарын спортсмен оҕолоро үчүгэй бэлэмнээхтэр.
Фристайлга Москва, Кузбасс, Башкортостан; шорт-треккэ Москва, Урал, Казахстан, Белоруссия; хайаттан түһүүгэ Башкортостан, Сибиир, Москва; хоккейга Дальнай Восток, Кузбасс, Казахстан; хоккей маастарыстыбатыгар биирдиилээн күрэхтэһиилэригэр Дальнай Восток, Белоруссия; фигурнай хаҥкылааһыҥҥа Москва, Урал, Белоруссия, хаҥкынан сүүрүүгэ Сибиир, Москва; сноубордка Сибиир, Урал; хаарга волейболга Кузбасс, Башкортостан, Сибиир, Урал; хайыһарга Сибиир, Москва, Саха сирин оҕолоро инники иники күөҥҥэ иһэллэр. Сибиир, Москва, Урал хамаанадалара Оонньуулары баһылаан-көһүлээн иһэллэр. Саха сирин хамаандата онус көрдөрүүлээх.
Сахабыт сирин хамаандата хайыһарга үчүгэй бэлэмнээҕин көрдөрдө. Алдаҥҥа тэриллибит хайыһар базатыгар баар спорт оскуолаҕэ эрчиллэр оҕолорбут “сприҥҥэ” 1 км Инна Рыбкина, Вадим Ширяев, Вадим Кривоногов уонна сноубордка Илья Соколов үрүҥ көмүс уонна боруонса мэтээллэри ылаттааннар улаханнык үөртүлэр. Бу туһунан өрөспүүбүлүкэ спордун салайааччыларын санааларын кытта билистибит.
Саха Өрөспүүбүлүкэтин хайыһарга Федерациятын бэрэссэдээтэлэ, 80-90-с сыллардаахха Саха сирин 50 км икки төгүллээх абсолютнай чөмпүйүөнэ Семен Иванов: “Ордук табыллан хайыһарынан сүүрүүгэ күрэхтэстилэр. Павел Сергеев мэтээлтэн кыл-мүччү матан хаалла, төрдүс буолла. “Сприҥҥэ” погода ыарахан соҕус этэ, хаардаах, тыаллаах, барыларыгар тэҥ усулуобуйаҕа үс мэтээли аҕаланнар оҕолорбут олус үчүгэйдик күрэхтэстилэр. Кичэллээхтик бэлэмнэммиттэрэ таайда. Күннэтэ билсэ турабыт. Туох-баарбытынан өйүүбүт, кыһаллабыт. Мэтээл иһин киирсэр бигэ санаалаахтар. Эстафетаҕа ситиһиилээх кыттыыны күүтэбит”.
Алданнааҕы хайыһар Өрөспүүбүлүкэтээҕи Киинин дириэктэрэ Максим Скупой: “Впечатления неоднозачные. Всегда рядом находились. Не хватало 1-2 сек до призового места. тиийбэт мэтээллэргэ. И, вот, порадовали в лыжном “спринте”. Ждем медалей и в смешанной эстафете. Еще один наш воспитанник Алдана Илья Соколов завоевал серебряную медаль. В связи с созданием базы мы открыли новые виды спорта. Поэтому в горнолыжном спорте команда представлена неполностью. Несмотря на это ребята очень заряженные, есть очень интересные виды. Посмотрим. Должны подняться выше в протоколе. Кроме лажных гонок, на медали не рассчитываем. Конечно, подготовились серъезно, много работали, проводили сборы, участвовали в соревнованиях. Настроение в команде хорошая. Каждый вечер проводим собрания, команда дружная. Все в предвкушении медали”.
Өрөспүүбүлүкэ спордун салайааччылара оҕо спордугар болҕомтолорун уураллар. Спорт миниистирэ Леонид Спиридонов кэлэн сүүмэрдэммит хамаанда оҕолорун, тренердэри кытта көрсөн кэпсэппитэ, спортивнай форма туттартаабыта. Куораттарынан сылдьан күрэхтэһии хаамыытын көрбүтэ-истибитэ. Онньуулар аһыллыыларыгар сылдьыбыта. Оонньуулар салайааччыларын кытта кэпсэтэн барбыта. Билигин миниистири 1-кы солбуйааччы Александр Бугаев Оонньуулары түмүктүү кэллэ: “Сприҥҥэ” оҕолорбут үс мэтээли тэҥинэн аҕалбыттары көрөммүн улаханнык үөрдүм. Билигин тута Серегеш уонна Новокузнецк куораттарынан айанныыбын. “Азия оҕолоругар” саҥа киллэриллибит хаарга волейболга уолаттар уонна кыргыттар хамаандаларын туруорбуппут. Оонньуу сылдьаллар. Хоккеистарбыт, хомойуох иһин, группаларыттан тахсыбатылар. Эрэлбит хайыһардьыттарбытыгар. Долгуйуу, мандраш суох буолуохтаах. Өрөспүүбүлүкэбит бүттүүнэ күүтэр, кэтэһэр. Кулун тутар 3 күнүгэр буолар хайыһар эстафетатыттан ситиһиини күүтэбит”.
Кемерово уобалаһыгар буола турар “Азия оҕолорун” 2-с кыһыҥҥы Спортивнай оонньууларыгар хайыһар эстафетата, хоккей финала уонна хаҥкынан сүүрүү хааллылар.
Баһылай Посельскай
