Дуобат саха норуотун биир тѳрүт оонньуута. Ааттыын да сахалыы. Аны дуобакка ыччаттарбыт Россияҕа эрэ буолбакка Аан дойдуга күүстээхтэринэн биллэллэр. Гаврил Колесов 11 тѳгүллээх Аан дойду чемпиона буолла. Дьэ ол иһин дуобат оонньуутун салгыы сайыннарар сыаллаах олунньу ый 25 күнүгэр Мэҥэ Хаҥалас улууһун Төҥүлүтүгэр республика нэһилиэктэрин ортотугар дуобакка Россия, Саха республикатын үтүѳлээх тренерэ Николай Николаевич Кычкин аатынан хамаанданан кубок тэриллэр.
Хамаанданан кубокка кыттыыны ылаллар нэһилиэктэргэ олорор, үлэлиир, үөрэнэр дуобаты таптааччылар. Пропискан нэһилиэккэ буолан баран атын сиргэ үлэлиир, үѳрэнэр, олорор буоллаххына бу күрэххэ тѳрѳѳбүт нэһилиэккиттэн кыттыыны ылбаккын.
Күрэх сүрүн сыала – тыа сиригэр олорор дьону көҕүлээһин. Онон кыайар баҕа санааттан атын сиргэ, куоракка олорор, үлэлиир, үөрэнэр биир дойдулаахтары хомуйа сатаабакка, дэриэбинэҕэ олорооччулары түмэн кыттыы бу буолуо улахан кыайыы.
Кинилэри түмэн бэлэмнээн, дьарык ситимин тэрийии үлэлээһин түмүгэр кыттыы бу буолуо улахан ситиһии.
Нэһилиэк хамаандатыгар эр киһититтэн, дьахтарыттан, оҕотуттан тутулуга суох биэс дуобатчыт буолуохтаах.
Күрэх биир уратыта: Россияҕа, Аан дойдуга киэҥник тарҕанан эрэр дуобат күрэхтэрэ буолуохтара швейцарскай системанан ыытыллар.
3 мүнүүтэлээх молниеноснай дуобат.
10 мүнүүтэлээх түргэн дуобат
Дуобат көрүҥнэринэн тус туспа түмүк тахсыаҕа.
Уопсай түмүккэ икки көрүҥҥэ хамаандалар ылбыт миэстэлэрэ сууммаланыа. Аҕыйах очколаах хамаанда Николай Николаевич Кычкин аатынан кѳһѳрүллэ сылдьар кубок хаһаайына буолуохтара.
Олунньу ый 1 күнүгэр дылы Этот адрес электронной почты защищён от спам-ботов. У вас должен быть включен JavaScript для просмотра. электроннай аадырыска хамаандалар сайаапка ыыталлар.
Онон көрөн хайа хамаандаҕа ким кыттара эрдэттэн сырдатыллар.
Кыттар хамаандаларга атын хамаандаларга ким хайа нэһилиэккэ кыттарыгар боппуруос үөскээбэт буоллаҕына сайаапкаҕа бааллар күрэххэ кытталлар.
Ону таһынан тѳһѳ хамаанда кэлэрин биллэрбитинэн тэрээһин үлэ ыытыллыаҕа.
Олунньу ый 1 күнүн кэнниттэн хайа да хамаанда күрэххэ киллэриллибэт.
Sportyakutia.ru
